لاتهاجر فـدوة أتـوسلك
أنــه بلياك أكـسر الخـاطر
مـابيـه اتحـمل الصدمات
ولابيـه على اجروحي اكابـر
ردتـك بسمه عالــشفه تبـقه
وردتك غنوة اتطيب الحناجر
مـني انــه اتريد تبــعد
فـدوة كلـي شـنو الصاير
لاتـترك بيـه جـرح ثاني
ما اتحمل بعـد طـعن الخناجر
شـفتك نجـمه بليلي تنـور
وردت ابـقه وياك انه مساهر
وشـلون بيــه أعله فـركاك
وشيخلص ليلي وانت مسافـر
انـه بليـاك روحي غـريبـه
مـوحشه وسـاكنه المـكابر
منـو اتسـامر بـعـد وياه
ومنـو الجيته ابقه انـه مناطر
ذمه بركبتك ابقــه لتروح
مـا اتحمل افراكك الـباجـر
اشلـون بروحي مـن تشتاك
والمـن بعـد اتعدل الظفاير
اخـذ كلـبي وروحي وياك
مادامك نويت وقررت اتهاجر

بقلمي الشاعر
عقيل كريم الشويلي

كلمات رائعة من شاعر رائع ...
تسلم اخي عقيل ويسلم قلمك الراقي
لك ودي...

شكرا لجميل مانثرت
وشكرا لجميل الاحساس

ودام لنا هذا المداد عزيزي
لك اطيب تحياتي

الله روعه ما قرات سلم قلمك اخي .... والله شعر ايخبل