الدنيا..سجة غرب
ياكليبي لحظة انتظر
احسب وكت..شوف العمر
والدنيا ..سجة غدر
سجة غرب..تسعر سعر
ليوين تبقى تون..؟
والمحب راح وغاب
غاب من ليلك بدر؟
والبدر لو حن الك...جا هل ع ليلك بدر
عوف الهوى لهل الهوى
وعوف المحبة واعتذر
والوكت سجة غدر
سجة غرب ..تسعر سعر
@@@
ياكليبي مو كافي بعد
مثلك ابد لا منوجد
ما تلكى بطباعك ابد
لا تعاند وتنتحر
والدنيا سجة غرب ..بيها الغدر معتمر
بيها الذيابة اشكال
بيها الوحوش احوال
بيها زياد وشمر
@@@
ياكليبي لحظة اترجاك
لا تعاند الخاواك
لا تقشمر ارويحتك ..لا تشتري الجافاك
اترك طريق الهوى
درب الهوى شفاداك
غير الالم والمرمرة
غير الظلم والقهقرة
مو كافي كل الي جرى
والدنيا سجة محيرة
سجة غرب..مستهترة
تكبس عله ظهور الزلم
وتحابي كل ظالم ترى
ياكليبي لحظة انتظر
ياكليبي كافي اترجاك
رد مع اقتباس
المشاركة الأصلية كتبت بواسطة اشجان
