دومك شايل همك وحدك
ولا مره من الاه اشكيت
صح النار ابين اضلوعك
لكن يحتاجك كل بيت
رادو منك تضهر فتنه
وايامك تابوت اتصير
زادو بالتفجير المحنه
لكن ضل الطير ايطير
صارو مذهولين ابأمرك
والصبرك رادو تفسير
قتلو كالو راح اندمرك
هي القطره اتغرك البير
عملاق وصنديد انعرفك
عمرك الاف امن اسنين
معقوله الاقزام اتوكفك
انهض يا تاج النهرين
رغم الجرح الهد احلامك
منك صدكني ايخافون
يا موطن اعدائك تعرف
دمعت اطفالك ما اتهون

منك صدكني ايخافون
يا موطن اعدائك تعرف
دمعت اطفالك ما اتهون


اي والله منه يخافون عاشت ايدك وصح السانك اريد ان اشكرك على هذه المشاركات الجميله التي زينت بها مواضيعك

مشكورة اختي وبارك الله بيج وشكرا على تنوير الموضوع

مشكور اخوية ابو يوسف والله يحفظ العراق

رائع و العراق يستحق اكثر
و ماشاء الله عليك
و مشكور اخي
تقبل تحياتي
اخوك سيرانو

الف شكر اخي على هذا الكلام الجميل
تقبل مروري