لك ايضا ايتها الرائعة ..الجزء الثاني.
عشـــگتك ونتهت كافي انتهى الموضوع..
الف مره گلتها گليبي مو جاهل
منو مثلك محب يفهمني من اغتاض..
ومنو مثلك ترف والشوگ يستاهل
تحاسبني اعلى ردي شلون ارد عالناس..
ادري شلون يعني انوب ما جــامل
صدگ بس غرامك ساكن بهالروح..
وغيرك نزل باچـر لو وراه شايل
حلف الناس كلها بحضرة العباس..
وعلي چلمة أحبك بس الك گايل
انه طبعي نخل ثابت جبل عالگاع..
مو هيبة غصن وبكل هوه ومايل
بعد لمسة چفوفك على چفوفي تفوح..
وبعد صوتك بذاني ايرن جرس نايل
بس ودك فرش وسط الدليل ونام..
والباقين چذبه ودادهم زايل
يمظون وتبقى انت رب البيت ..
وعذرني بوفه وياك لو عايل
آنه محضر اهلي باچر يخطبوك..
شگلهم فرقانه القيل والقايل
العشگ معناه عشگ لتگلي انتر نيت..
اكو اسطورة عشگ يولدها موبايــل.
عدي فريد..
رد مع اقتباس
المشاركة الأصلية كتبت بواسطة الشيخ ابوحيدر
