مشتول اعله بابك لاتخليني ...
فك شباج حسنك ....كوم واسكيني ..


ميت بيك كلبي ...وانت عايش بيه ..
وغيرك ما اضن انسان يحييني ...


تندل كلشي بيه ...وانه تايه بيك ...
تعال ارجوك لحظه ...وعلي دليني ...


دورت العمر والكيت ..بس شلكيت؟؟؟
بحلك ايام هجرك تنزف سنيني ...


طيفك ماي صافي ....وهاي وحشة ليل ..
الغيرك وين اروحن من تغص عيني ؟؟...


بيني وبين وصلك ...درب...مابيه ناس ..
لان بس انته عايش بينك وبيني ...


تعال امطرلي ضحكه واحيي كاع اشفاي ..
ماريد بغيابك ...دمع تنطيني ...



تعال وخلني اشوفك ...(كارثة فركاك)
واراويك الصليل الاكل جفيني ..


اعيوني بغير رسمك ضاك بيها الشوف ...
وعله اجفوفي بغيابك ..صفت تبجيني ...



الدنيه ....الامس جانت واسعه بطرواك ...
بكطع وصلك بعد ماضنها تحويني ..


لدور علي تندلني ....بس اتصيح ..

بارض المالفاها....الفرح تلكيني ..

بسنة الماذكرها... العيد تلكيني ..

بعيون الدروب.... التحن تلكيني ..

بجفوف الليالي ....الزرك تلكيني..

....................

ماراق لي

رائعة وانشاء الله ما تشوفين وحشة

حي الله ام علاوي الوردة راق لنا ماراق لكي والله لايراويج وحشه ياغالية تحياتي لك

رائعه جميله سلمت على ذوقك

الاخ الطيب توم الحزين يسلملي حضورك الجميل
لاعدمت هذا التواجد العطر اخي
مودتي

حيدر الفلاحي الاروع هو تواصلك الدائم
ممنونه من ياطيب
لاتحرمني هالحضور الجميل
لك ودي

تسلملي هالطله عزيزتي فاتن
وان شاء اله ماانحرم هالحضور العطر
اجمل التحايا