ما أضعف واطخ راسي لوني
همت والشوك والعشره لوني
اون ولي يحب يسمع لوني
مثل داخل حسن ونتي شجيه
*************************
عنيد وهالعناده البيك مره
اليزعلك روح لو بالجذب مره
يمكن ياترف بالشوف مره
ويكلك منك احتاجيت جيه
*************************
انه مجرب وفي ومعروف واصلي
جنوبي ومال لاول زين واصلي
اذا ينكطع بالطيبين واصلي
اريد انطر عاليكطعون بيه
*************************
مو تعليم شعر الحب ترى الهام
وكلبي بس الك وحدك ترى الهام
الغيرك ما نطخ صدك ترى الهام
ألك وحدك فقط ناخذ تحيه
**************************
بعتلك كلبي وانطيتك وصل بيه
وعذابك لاخر الدنيا وصل بيه
دخليه ع الجمر بيدك واصل بيه
ولا مكسور خاطر يرد اليه
**************************
اعرفك واعرف اطباعك وانه وياك
وكلبي كبل وناتك ونه وياك
الدنيا وكلبي وعيوني وانه وياك
اذا عندك بخت وحظيت بيه
**************************
ثوب العشره ماكصره ولا كف
وابطل لا تظن منك ولا كف
ما يحتاج لام اله ولاكاف
مكانك بالكلب غصبن عليه
**************************
اريد اكعد واسولف الك واشراح
وغده كلبي عليكم وذر وشراح
لوتدري من اديه شفلت وشراح
وعلي جان انكسر كلبك عليه
**************************
علي ماافضل احد وانته فضلك
اهد وافزع وثورن وانتفض لك
بيك شلون خانو وانته فضلك
عليهم مثل فضل امي عليه
**************************
الم حسباتي انه ارجع وافله
ومشتاكه الروحك الغالي وافله
وعجب للخانتك تبقى وفي اله
وانه الوياك ما سويته بيه
**************************
الك مني دليلي وشوك ودمن
ولغيرك ياحبيبي الكلب ودمن
عليك انه صرت مجنون وادمن
مخبل ودمنت شيصير بيه
*************************
مسيت العافيه حبي تمسك
وعونه الي بوجناتك تمسك
عسى نيران البكلبي تمسك
ابد جا ماحملت الصار بيه
*************************
ترى وياك كلبي صفه نيته
ونيته اعيش يمك صفه نيته
شارعنه بجمالك صفنيته
وطاح من الركن لركن بيه
**************************

م|ن

مع تحياتي اميرالاحزان

منوووورين
مشكووووووورين

مع تحياتي اميرالاحزان