جرح يلتم جرح يدي جرح ما طاوع الشدي
اوجرح صبت جروح الغير بيه اوفاض عن حدي
وتلاشت شواطي الروح بين الناس والعندي
والآوح بس اريد الكيش...وأصد اومانفع صدي
اولون حادي السنين ايريد بوشالة عمر يحدي
فلا هيَّ اتنز روحي اولا تخاف امن القهرتصدي
تتشايم لون نيسان عم البور من بعدي
تشوف اعلى سما البسمات الف ذكرى الشتل زندي
يتباهن بنات اهروش تاهت تيهة البردي
تاهت والحصد نشوان يركض ع الدمع والدم
يسعدي: اهناك جالي الروح عالي اوماينوشه الهم جرح يلتم
أبعد موعيب تلكي السيف مثلوم ابطعن خنجر
لجن العار كل العار على كل سيف لو زنجر
الجرح نيشان ذاك السيف جان الحومته يفتر
نجمه السيف تضوي ابليل من تزرك تضوي اكثر
شرف للنور ما فكر بالمجازاة لو نور
يفيض او ماتلمه اجفون (حاتم) ع الزمن يكبر
يها ينته التحط جلمات بشفاف الفجر لو طر
أخبرك لو بساط الريح عافه الريح يتكنطر
اولو ما للبحر جرفين جا ما سندباد ابحر
هاي اوذيج سنة كون لازم ع الشهم تسدي
يسعدي البور ذلة كاع حرمه ابلانسل تصدي جرح يدي
أبد لا لا تكل للهم رضيت ابعشرة العلكم
ولا ريدن جفن بالضيم يتندى ابضباب الهم
ونجان السهم مض بيك عيب اعلى الجرح يندم
هنياله أليشك الموت يرشف من حلاة السم
هنياله اليكت بالصيف زخه اعلى هرش يحلم
يها يلي تشيل اسنين باجر والجرح مالم
باجرنه اعلى جرح الطيف جرح اعلى الجرح بلسم

باجرنه ابخيال اليوم عريس اوشموعه الدم

دشد اوشوف ذيج اجروف فضه اوفرس أدهم
تخفك فوك هام الليل هلهوله اعلى جنح الطير

يسعدي: انت اوجروح الغير تذكاره اعلى جف الخير

للأستاذ الأديب..شاكر السماوي..
مما راق لي..مع كل الحب.

المشاركة الأصلية كتبت بواسطة شوك الشفايف

جرح يلتم جرح يدي جرح ما طاوع الشدي

اوجرح صبت جروح الغير بيه اوفاض عن حدي

وتلاشت شواطي الروح بين الناس والعندي

والآوح بس اريد الكيش...وأصد اومانفع صدي

اولون حادي السنين ايريد بوشالة عمر يحدي

فلا هيَّ اتنز روحي اولا تخاف امن القهرتصدي

تتشايم لون نيسان عم البور من بعدي

تشوف اعلى سما البسمات الف ذكرى الشتل زندي

يتباهن بنات اهروش تاهت تيهة البردي

تاهت والحصد نشوان يركض ع الدمع والدم

يسعدي: اهناك جالي الروح عالي اوماينوشه الهم جرح يلتم

أبعد موعيب تلكي السيف مثلوم ابطعن خنجر

لجن العار كل العار على كل سيف لو زنجر

الجرح نيشان ذاك السيف جان الحومته يفتر

نجمه السيف تضوي ابليل من تزرك تضوي اكثر

شرف للنور ما فكر بالمجازاة لو نور

يفيض او ماتلمه اجفون (حاتم) ع الزمن يكبر

يها ينته التحط جلمات بشفاف الفجر لو طر

أخبرك لو بساط الريح عافه الريح يتكنطر

اولو ما للبحر جرفين جا ما سندباد ابحر

هاي اوذيج سنة كون لازم ع الشهم تسدي

يسعدي البور ذلة كاع حرمه ابلانسل تصدي جرح يدي

أبد لا لا تكل للهم رضيت ابعشرة العلكم

ولا ريدن جفن بالضيم يتندى ابضباب الهم

ونجان السهم مض بيك عيب اعلى الجرح يندم

هنياله أليشك الموت يرشف من حلاة السم

هنياله اليكت بالصيف زخه اعلى هرش يحلم

يها يلي تشيل اسنين باجر والجرح مالم

باجرنه اعلى جرح الطيف جرح اعلى الجرح بلسم

باجرنه ابخيال اليوم عريس اوشموعه الدم

دشد اوشوف ذيج اجروف فضه اوفرس أدهم

تخفك فوك هام الليل هلهوله اعلى جنح الطير

يسعدي: انت اوجروح الغير تذكاره اعلى جف الخير

للأستاذ الأديب..شاكر السماوي..


مما راق لي..مع كل الحب.

نقل فيه ذوق رائع ...احسنت كثيرا اخوي شوك

شكرا لبلاب....اتعبتك معي..
ام فيصل لك باقات الورد الجوري..
كل ما قرات اسمك تذكرت روحي....شوك.