الاتبت اديـﭻ اشـﮕد ألـﭻ عيـــلات


ونتي بضلعـي سيفـﭻﮔـمتي تحـدي





حمالة حطب يادنيـه وكتي الفــات


وعودان علَ ناري وعل لهب مــدي





عرفتي همومي كبرن صارن حديثات


ﮔـمتي بسهر ليلي أجــــري وتـمدي





وعرفتيني نحيل وكثرن الشوغات


وهـمي مـــن سـواد الـعين مـتبدي





ولأن شفـتي زماني بايكَ الضحكات


علي نكَــــاط شفـتـﭻ ﮔـــايمه تعـدي





وﭽي شفتي اشواﮔي العصرمزروعات


تحـــفيتي عــــلَ نهري الفيض وسدي





لتحنين اﮔــلـﭻ زيــدي بي لـوعات


زيديني قـــــهر وهموم بــس ودي





نعم انه استاهل سهمــي الشوغات


وانتي الفرح سهمـﭻ لو وصل حدي





جرحي نسحن ﮔلبه يعيش هيهات


ونزف تيـزاب منه وﮔـــام يـــدي





بـﭽيتـﭻ مابقت عندي بتسامــات


بـــس ضنون وهمي بقت عنـدي





روعة ﮔلبي تشبه روعة المات


وناعي سنين عمري ﮔام يحدي





أعد ساعات فرحي شـﮔد قليلات


وساعات الحزن شو زاد عدي





حماماتـﭻ صفن غربان مــيات


نـﮕرن وسط عيني وكلن خدي





ولاهــــزﭺ ونيني ودمعي الفات


وعدي اطفال حزنـﭻ كام تحــدي





دنيتي اليضدني وكـــــلها شمات


وخليتي الالـــــــيه يصير ضدي



الشاعر الشيخ ابوحيدر


الشويلي
28|11|2010

عرفتي همومي كبرن صارن حديثات
ﮔـمتي بسهر ليلي أجــــري وتـمدي

وعرفتيني نحيل وكثرن الشوغات
وهـمي مـــن سـواد الـعين مـتبدي





عاشت يمينك اخوي الغالي ابو حيدر وصح لسانك


يتبدى الجمال من القصيده يفوح
انا فرحان فيه وربي من گدّي

ارجو قبول مروري المتواضع
تحيتي لك

[quote=ابو يقين الكعبي;1008880]ولأن شفـتي زماني بايكَ الضحكات


علي نكَــــاط شفـتـﭻ ﮔـــايمه تعـدي
>>>>>>>>>>>>>>>>>>>>>>>
اخي المبدع الشيخ ابو حيدر...
قصيدة رائعة وصورة شعرية خلاقة
لك كل التقدير والاحترام
ابو يقين

اخي الغالي ابو يقين شكراً للمرور
نورت متصفحي بجميل
الاطلاله الرائعه لك

ودي يالغالي