ذبت وبشوك شخصك مايعاني
ويعاني القلب منك مايعاني
لون تعطش سكيتك مايعاني
والك روحي لقدمهه هدية
*************
شخص البادلك بالطيب رده
مو تجفي وتروح بغير رده
شافاني وركض للباب رده
جزات الطيب رد بابه عليه
*************
اخذ كلبي اذا ذابت دلالك
من نار العشك يسلم دلالك
احب اسمك لحن همسك..دلالك
و احبك حتى من تقسى عليه
*************
مثل ديني ثبت حبك ورع باي
وصعبه لوردت تفرغ وره اعباي
رجفت وخوفي من يمك ورعباي
واموتن لو تفكر اتخون بيه
***************
همي من كـــثر يذبل وراها
ونار الكلب مــا يخمد وراها
كل شده يـــهل وادم وراها
فرج ، والفرج من رب البريه
************
الهجر يكتل يصاحب وانت داري
عليك يخاف كلبي وانت داري
انت اهلي وعمامي وانت داري
انت امي وابوي وحبيب اليه
*************
ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه
***************
مصايب غربتي بهجرك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي الية


(( منقـــول ))
ارجو كتابة كلمة منقول للأمانة الادبية ومنعا للحذف لاحقا

هيجي يبنت الناس صعبتي امري***دمرتي حلم الروح ضيعتي عمري

حجيي الصريح وياج آنة هويتج........واليوم اجي خطاب واتعنة بيتج...


يسلمو نجاوي
على اختيارك الجميل
تحياتي

مااجمل هذا الذوق
والانتقاء ياوردت البستان
الفواحه بعطر الياسمين
والارجوان الف تحيه
لهذا المداد الرائع
تحياتي

شكرا لهذه الأنتقاء المميز
باقه رائعه من الأبوذيات
ننتظر جديدك
تحياتي

ذائقه بطعم العسل

اسعدنی مرورکم الشیقه
لا انحرم من حضورکم الجمیل
یاااااااااااااارب
تحیتی وکل احترامی للاعزاء

كل الشكر لك عزيزتي
على جميل اختيارك
باقة رائعة من الابوذيات كلها احساس وجمال

دام لنا هذا العطاء
مع كل الود وارق التحايا

شكرا اختي نجوى على جميل اختيارك
باقة رائعة من الابوذيات كلها احساس وجمال
تقبلي مروري مع تحياتي