موش دا وقته يا حبيبى موش دا وقته
بلاش تحكيلى عن الماضى ما تجبشى سيرته
خلينى انام ...خلينى ارتاح
ما تقلبشى فى اللى راح
ما تفكرنيش باللى شفته
خلينى احس بس بالحنان
ونبعد عن اللى كان وكان
ولا نقولشى للزمان
ليه يا زمان كل دا عملته
موش عايزه اسمع غير بس دق قلبك
وهو بيقوللى......بحبك بحبك بحبك
يا حبيبى قولها... ..ما تقولشى غيرها
دا مصدقت......... انى ابقى جنبك
ما تشغلشى روحك غير بس بيهّ
ما تبعدشى عينيك لحظه عن عينيىّ
والكلمه الحلوه اللى بس تقولها ليهّ
اللحظه دى بالعمر كله اللى فات
تعوضنى عن احلا ما فيه من ذكريات
والجرح اللى فيهّ مهما كان حتداويه
والحزن اللى كان جوه قلبى موش حتلاقيه
وموش حتلقى غير حبك انت اللى بس فيه
ويا فجر بكره اوعى تطلع
أخاف لننسى تانى ونرجع
نرجع لقسوة الماضى ولياليه
ياما ناس ذينا فى الحب احتاروا
وموش احنا أول اللى انكوا بناره
بس احنا قدرنا وموش ذى غيرنا
للحب رجعنا وهما اللى انهاروا
وادحنا دلوقتى بنعيش احلا اوقاتوا
والايام الجايه حتبقى احلا من اللى فاتوا
مع تحياتى
************
رد مع اقتباس
المشاركة الأصلية كتبت بواسطة عيون المهى
