عجبتني وحدة وجن كمر عالكاع

ردت كلمة اسولف بس مرتبك اني

تيهت الوصف ما ادري مني شضاع

كمت اخربط بالحجي ومدري شجاني

احجي كلمة والوصف من عندي ضاع

احجيلي سطر وانسة احجي سطر ثاني

فاتت مرة بالقسم طش الخبر وشاع

رحت اني عليها العشك وداني

الوجه مثل البدر ابيض ولماع

والحواجب لو ردت احجيلكم يعجز لساني

الجفن مثل السمة وبيه الطيور انواع

والعيون اخ شكبرها الشيبت وجداني

من شفتها غمزت اني بساع

ونظرت العينين هن الطيحاني

جنت صياد اصيدن حتى السباع

وبغمزت عين الاشكر صوباني

طولة يشيب زغير جبير وحتى الرضاع

مو بس اني شبت شيب حتى زماني

يا ابيض وجه يابو العيون وساع

على كيفك جمالك حيل خبلاني

حلو انت صحيح بس مو حلو الاطباع

وياوسفة الزمان عليك ذباني

جنت طير وللقفص مايوم طاع

ولك ياهو الي بقفص صدرك ورطاني

الزمن غدار وبيك دلني بساع

شيبت من القهر وكثرت احزاني

من ورة الوكت شيبت واني زغير

عمت عين الزمان الكبراني

اي والله عمت عين الزمان الكبراني

منقول
ارجو كتابة عبارة منقول للأمانة الأدبية ومنعا للحذف لاحقا

عاشت الأيادي
انتقاء جميل وممتع
تحياتي

احسنت يالغالي سميح الحب انتقاء رائع
كروعتك ذواق في اختيارك ننتضر ابداعك يالغالي
تقبل مروري بجميل نثرك الراقي