خسر كلمن رضة او وقع بجتلاي
انصبت وعيون عدواني بجتلاي
طحت وسيوف خواني بجتلاي
وردت زنجارهن يفزع عليه
********************
انحنة ظهري واكابر عدليته
وبعدني بذاك حزني عدليته
خلص شوفي بمتاهه عدليته
طلع منهه وبنه حايط عليه
*********************
الوكت وياك ولمة ولمانه
سمعنا الكال عنه ولمانه
روح سنين ورجع ولمانه
تلكاهه عليدك هيه هيه
*********************
اله بنص كلبي حاجه ماسمعني
جذب وجهي منديرة ماسمعني
صحتله وسوة روحه ماسمعني
مشه والتفتت الوادم عليه
**********************
مع كل تحياتي وأشواقي لجميع الاعضاء والمشرفون
أخــــــــــــــــــــوكم المــــــــشــــــــــــــــجـــــــــــع



.gif)
.gif)
رد مع اقتباس
