المشاركة الأصلية كتبت بواسطة فاتن وهيب

روحك لون تشتاك من كثر الفراك *** حظن بحظن وياه وتكلي مشتاك

حضن بحضن ميفيد وتتركني وتروح ** وروحي تظل تشتاگ وتعالج جروح


موحش يبعد الروح گلبي التركته *** والدم صفه الونات والحسره دكته

روحي يبعد الروح چا شلّلي بيها***لو رحل ساهي العين وابعد عليها


كلبي اشتكالك ليش ترفض شكيته *** متيه وشافك صاح احا لكيته

گلبك اظن غلطان ما يدري بينا ***احنا الندور اعليك إجبل علينا

من عمت عينه الكال بفراكك ارتاح *** ابجي ابسواد الليل حتى الرمش طاح

رمشك اذا بالليل طايح يغالي *** رمشي آنا طار وراح واسهر ليالي

ترجف عليك اعضاي كل ساعه وتلوج *** ودموعي عالخدين روج بأثر روج

لاجت علي اعضاك چي لني آني ***لايب والوجن حيل والهم رماني

ريت الالم مو بيك ياريته بيه *** دونك لجر الموت بثنين اديه.

خل الالم بحشاي ليش الالم بيك***تزعل وابوسك حيل بحجة اشاقيك

شوف شكثر مكروه التجفي دنياهه *** حته الصديق يكول عيب امشي وياهه.

الدنيا للمتعوب مو توهه صدت *** من عهد دقيانوس والله تعدت

اجمل صباح اليوم وبعمري بس هاي *** شلت الغطه وفزيت لن عيني بهواي

فز نومي فز بالليل ما اگدر اغفي *** بلكت صباح يجود لن عندي ولفي
مما راق تحياتي لاحبائي جميع اعضاء المنتدى

دارميات رائعه ارجو قبول ردي المتواضع على جميعهن في هذا الاقتباس
تحيتي لك ايتها المميزه