هم اجيتــــــــــج
شايل ادموعي اعله خدي
وكل جرح بيه اعله طولي يصيح اجيتج
دوريتج بين الف ياء التعب اجمل قصيده؟
وبس الج اذكر قريتج
هم اجيتـــــــــــــج
انشد اليمشون عنج
مالكيتو اهنا حلم طاح اعله وجهه وماكوانتي
اهنا امس ظلت دمعتي
اهنا امس تاهت صفنتي
بصفهه شوك سنين ومناطر تجين ومارجعتي
ابصفهه عين وعين مقفوله اعله باجر وارتجيتج
هم اجيتــــــــــج
هم اجيتـــــــــج؟
مر على عيوني امس طولج رسم
بالطيف يركض واعتنيتج
فرفحت روحي اعله ظلج ماي ؟
غازلهه بسرابج واشتهيتج
هم اجيتــــــــــــج
خطوه خطوه
وكل درب امشيه يرسمني محطه
واه لوطولج يمر بعيوني غلطه
جابعت كلشي اعله مودج
المحطه؟
وكل حقيبه انشدت بجف السفر جلمة نسوك
ويتمو راعي المحطه
وجابعت راعي المحطه
والقطار وكل حلم ظل اعله بالي بغير نقطه
وصاوغت عمري ابأمل لولحظه اشوفج واشتريتج
هم اجيتـــــــــــــــج ؟
من امس بس ياامس عمرين احسبه
اوياي جايبلج محبه
اوجايب اخر ضحكه منج
جانت بلون العراق وطعم شفته شكثر عذبه
اوياي بس واحد يشبهج
جي يحبج انه احبه
ومانسيتج
هم اجيتــــــــــــــج
انتي يالمسة ضوه باخر نفق
جبته اعله عيني وبيه لكيتج
وشلكيتــــــــــج
ناس تضحك
دوروني ؟
صاحو اباسمي اعتقد بس مالكوني
سجلو بالورقه غايب
ورقه مكتوب اعله خدهه
مكمل بكل الدروس؟
يعني راسب

لاخي الغالي الشاعر
سعود الخفاجي

عاشت ايدك عالنقل اخوي عتابي
وعاشت ايدالشاعر سعدون الخفاجي وصح لسانه
لا تحرمنا مثل هذه الروائع طال عمرك
تحيتي لك

منور اخي الكريم .. ولا تحرمنا من تواجدك .. خدمة للمنتدى

اختيار رائع
وبوح ممزوج بألم ولوعة واشتياق
شكرا للعتابي ولجميل تذوقه
ولاحرمنا هذا التواصل

لك اطيب التحايا عزيزي

الله الله عليك على هذا الاختيار الرائع
عاشت الايادي
وان شاء الله دوم الابداع
تحياتي لك

الله عليك وعلى روعة اختيارك
لاتحرمنا من جديدك
تحياتي

الله عليك وعلى روعة اختيارك
لاتحرمنا من جديدك
تحياتي

صاحو اباسمي اعتقد بس مالكوني
سجلو بالورقه غايب
ورقه مكتوب اعله خدهه
مكمل بكل الدروس؟
يعني راسب
##########
روعه روعه
عاشت الايادي