كل سلطان ضده اتصير الكلوب

وعلي سلطان بي مجنونه الكلوب

قائد تحت امره الدنيه والناس

الشمس رجعهه مافك حلكه الغروب

علي الماعاف ثوبه ايعوفنه اشلون

امس ركع الثوب الخاطر الثوب

رئيس وجيبه خالي اشلونك ابهاي

وموبس هاي حيدر شال الجيوب

علي ابرقة دمع عين المراجيح

ترف بس بالمقابل قالع البوب

علي ابكد ماترف حاقد على النار

اشلون اتجوي بخدود التنانير

قالع باب خيبر بس ترف حيل

الفراشه اعله جتفه اتنام وتطير

البلابل من يسولف تصفن اعليه

وعلي اول واحد اتحبه العصافير

علي الماي اليشرب الماي للماي

وعلي الماي الترس حلك النواعير

علي اعكال وحجاب وعفه واخلاق

علي ادري اهواي وشويه التعابير

علي العاشر الفقره ورافك العوز

ولحد مامات صاحب خبز الشعير

علي الطلك الدنيه وشاهدي اوياي

لهسه اتبوس ابرجله الدنانير

علي الفرحه البقت بعيون الايام

وردت روح لوجوه التصاوير

علي ايقدس الدم ويكره الثار

مثل مايوسف اشكد يكره البير

امس موهوه حارب همه جبروا

علي ضد العنف ويموت عالخير

يطب للمعركه ويوزع ادروس

وعلى الشردوا علي ايوزع تحاضير

شعار ايردده لليوم ابوحسين

يموت السيف ويعيش الطباشير

المشاركة الأصلية كتبت بواسطة الشيخ ابوحيدر

قد نطقت الحق وشهدت الامر في رجل احبه الله واحب
الله كثيرا هو وبالفعل رئيس الفقراء ومغيث الفقراء وهي
معادلة لايستطيع العالم اجمع تفسيرها ابدا الا من عرف
ذلك الاسم العظيم والعظمة لله وقد الهمت الجرح فناء في
اجواء هذا الرجل الكبير ..
الملا
احسنت الطرح واجدت التعبير وقد الجمت افواه الكلمات فعلاا
احترامي اخي ولك كل الاجلال والاكرام لماخطه قلمك
جعلها الله في ميزان حسناتك

ممنون ياعمري الف الف شكر

المشاركة الأصلية كتبت بواسطة ام فيصل

عطر اله انفاسك على هذه الكلمات الرائعة بحق امير المؤمنين ابا الحسن عليه السلام
جعلها الله في ميزان عملك
ودام لنا هذا المداد الموالي
لك اطيب تحياتي عزيزي

الف الف شكر ومننون

الله يا علي على هذي الكلمات ..سؤالي عنك عسى ان تكون بخير
وسلامي الى كل شعراء الناصرية المبدعين مدينة الشعر ...مع حبي.