دارميات عراقية
دمع التهمله العين يحفر بالجروح
ما يطل ايفركاك زاد الكلب نوح
مر كلبي شمعة يصير تضوي اعلى ممشاك
تصرخ تكول يحبيب اهواك
مر عيني الك تشتاك كل ساعة يا صاح
وانسة العتب واللوم خلينه نرتاح
مو بيدي يلمحبوب اشكيلك الحال
روح وتلوب عليك ودموعي تنهال
موبيدي ياهل الناس كلبي هواهه
والجرح عيب يطيب الا بدواهه
حرموا علي ملكاك منعوني اشوفك
لا وحك الله الفوكلاتضن اعوفك
اضحك ولو الهموم يا كلب نبتت
والله ومخلي الناس بيه تشمت
بصدري حرة ونوح وكليبي مهموم
افرح ولا الشمات تتشفى فد يوم
جفية روحي اتصير واتوسد الجف
كلما تسيل العين تلكاني منشف
يا كلبي لاتنضام بيك الوفة ايلوك
شانك تصيد الناس صيدك ارجوك
رد مع اقتباس
