يريدونك تضيع وانتة نور بليل *** وتموت من العطش يالماي يردونك

ويضيعونك عجيب وانتة مثل الريح *** وين بيا مكان اتضيع يلكونك

مشوك بدرب ما مات جدمك بيه *** وحتى اتضيع كلش شدو اعيونك

وغشو عينك وايدك مزنجلة ومجتوف *** تهد هدة اسد لو ناس ينخونك

يل المغفي الجمر منقلة وبيك اتنام *** وهمة رماد موكة ما يجوونك

اذا ظaك طلعته وظل وراك ايحوم *** ابد لتخاف منهم ما يظلمونك

عاشرنة التعب والاه والحرمان *** كلها لخاطرك ولخاطر اعيونك

صرنالك جسر للنجم عبرناك *** وصغنة من الحزن ضحكات لعيونك

تعلكنة قطع سودة وعليها ارواح *** ما جنة قطع لا كحله لعيونك

يردونك صبخ والملح ياكل بيك *** ويردونك تبور وما يزرعونك

ويردونك تجف والماي يطلب ماي *** ويردونك تنام وما يندهونك

ما يدرون عركك بالارض ميموت *** ترد تحيه وتعيش شما يكطعونك

ذاك حسين حي وصير انتة مثل حسين *** بالشدة الخريطة اتصير ميمونك

يااااا مدري شوصفك شرد اكولن بيك *** عراق والعمر ما يسوة من دونك

ليلى انتة صرت والمثل ما ينقاس *** وشعبك من محبتك صار مجنونك

مما راق لي

الله يفرج عنكم يا اخواننا وينصركم على الظلام
تحياتي الك اخي العزيز والقصيده كلش رائعه وتسلم

دوريتك بالسمه وانته يمي بالاض

انشرح صدري والله بهذا العرض

حبيتك بلا مصلحه وبلا غرض

يلشوفتك هي الدوه للمرض

حبيبي السومري تقبل ارتجالي
المتواضع ... تحياتي

اختي العزيزه رتاج
شكرا لمرورك الكريم
وشكرا لدعائك الذي عطر متصفحي
تحياتي

وانا كم سرني مرورك يا ابن ذي قار الأصيل
شكرا لما امتعتنا به من كلمات ارتجاليه جميله
لك مني كل الود

الف شكرالاخ السومري كفيتني
عناء البحث لاني كنت ابحث عنها
فلك ولذوقك الف تحيه حب
تقبل مروري يالغالي

انهض ياوطن شلهن جروح البيك
وتوجه اعل صبرك واعبر المحنه
صح انته طحت بس من طحت يعراق
كوم اوياك حيدر يا وطن صحنه
----------------------------------------
ما راق لك الا الجميل
سلمت يداك الاصيل
تحياتي اليك