اعترافات قلب مجروح
الموضوع مفيش فيه اي نوع من الامل
لانه بيتكلم عن حالة موجوده في قلوب ناس كتير اوي
ويا ريت يا جماعه لو حد هايتعب
او يتشائم بلاش يكمل قراءة لاني مش عاوز اشيل ذنب حد
انا عارف ان الكلام ده يمكن يكون مش جديد
بس يمكن في ناس منكم حاسين بيه و مش لاقيين حد يقولوله عليه
وممكن ناس تانيه تقول ان ده رد فعل زياده عن اللزوم تجاه الحياة
بس دي اعترافات قلب
شاف كتير من الدنيا
ونفسه يتكلم و يقول اللي جواه.....
الناس بتقول ان اي قلب مجروح مع الزمن و الوقت بيتداوي و بيرجع زي ما كان
كأنه لسه قلب فاضي و جديد و لا شاف هم و لا شاف حزن
وانا مش قادر اصدق الحكاية دي
لكن اللي اعرفه و متأكد منه ان القلب المجروح
مهما عدت سنين عمره ما هايرجع تاني زي ما كان
جروح القلب كتير اوي
ومش لازم جرح القلب يكون من حب راح
لأ
جرح القلب و كسرته بتكون من الناس و من الحب و من الحياة كله
احساس صعب اوي انك تبقي عايش بقلب مجروح
بتلاقي قلبك بيتقطع و انت واقف و مش قادر تعمل اي حاجه
عندك احاسيس كتير مش فاهمها و مش عارف مصدرها و مش عارف تهرب منها
احساس بالضعف
بالخوف
احساس بألم فظيع
ألم بيأن في قلبك ليل و نهار
قلبك بينزف
و بيتقطع قدام عنيك
و بيتوجع
وانت واقف مشلول مش عارف حتي تنقذ منه و لو جزء صغير
زي ما تكون محبوسة حاجه كبيرة اوي جواك
زي ماتكون متقيد بسلاسل عمرها ما هاتتشال من عليك
نفسك تصرخ
نفسك تتحرك في اي اتجاه تاني غير اللي انت ماشي فيه
نفسك تقول آااااااه
لكن الكلمة محبوسة في صدرك و مش قادر تطلعها
يااااااااه علي الحياة
ياااااه علي الناس اللي مش بتحس بيك
وعلي قسوة القلوب الللي حواليك
وحياتك اللي بتسوء يوم عن يوم
.............
وفجأة
ييجي أمل
ييجي حب
يلملم الجرح
ويداوي شوية بشوية
تبتدي تحس
تبتدي تحب
يبتدي قلبك يدق من جديد
تبدا جواك حياة جميلة و حلم صغير عاوز يرتوي بالحب علشان يكبر




وزي ما الحب جه فجأة بيروح برضو فجأة
وتلاقي قلبك بعد ما ابتدي انه يحس بالحياة
ابتدي يموت من اول و جديد
والالم اللي كان قلبك متعود عليه بقي افظع و اقوي
لانه ألم من قلب كان قرب يموت و عرف معني الامل
و فقد الامل ده حتي قبل ما يشوف ملامحه
تحس الحياة بتموت جواك
مع انك عارف انك عايش و كل الناس حواليك عايشين
بس لما تبص لنفسك في المراية
بتلاقي حطام انسان
بتلاقي جسد من غير روح
بتلاقي احلام متكسرة
بتشوف قلب بينزف و نزيفه شديد
والامل اللي كان ممكن يحيي قلبك من جديد
او حتي يلملم جراحه..... راح
راح الامل
راح الحب
راح الحلم اللي كنت لسه هاتبدأ تحلمه
راح الاحساس بالراحه اللي عيشته لأيام معدوده جوه سنين عمرك الطويلة اللي كلها ألم
وتبص علي الناس اللي حواليك
تلاقيهم عايشين
بيضحكوا
بيحبوا
بيحلموا
وأنت واقف مكانك
مش قادر تنقذ قلبك اللي بيموت
بيموت؟؟؟؟؟؟
لأ انا قلبي مش بيموت
ده قلبي خلاص مات
أيوة فعلا قلبي مات
فين دقات قلبي؟!!
فين احساسي بابسط الاشياء في الكون؟!!
مفيش
مفيش احساس بأي شيء
مفيش متعه
مفيش سعاده
مفيش احساس حتي بنبض قلبي.......
لكن في حاجه جديدة ابتديت اعملها
في ابتسامه
ابتديت ارسمها علي شفايفي
بخدع بيها غيري
علشان ماشوفش نظرة عطف في عينيهم
وبخدع بيها نفسي لما اشوف نفسي في المراية
وبخدع بيها روحي
علشان تفضل في جسمي عايشة لغاية ما ييجي اوانها و تسيب الدنيا هي كمان
يمكن ساعتها ارتاح
يمكن في الموت راحه للألم اللي مالي حياتي كلها
يمكن؟؟!!!!!
أحاول اسيب الدنيا و اموت
بس هاموت كافر يعني
لأ إلا ربي و ديني
انا خسرت احساسي وخسرت حبي و خسرت نظرة للحياة بعين سعيده
لكن مش هاخسر ربي و لا ديني
طيب هاعيش ازاي ؟
مش لو اصلا كنت عايش؟
هاقضي ايام و خلاص
بتعدي عليا ليلها زي نهارها
ألم و تعب و حسرة و ندم
يا ريت انا كنت زي باقي الناس
ادوس علي غيري برجلي و لا يهمني
يا ريت كنت يا قلبي قاسي
يا ريت كنت واحد تاني غير نفسي
في مكان غير المكان
في زمان غير الزمان
مع ناس غير الناس
يمكن كنت اقدر اعيش
يا ريت
يا ريت
يا ريت
................................
وبيفضل سؤال دايما جواك...
يا تري في قلب تاني ممكن يكون حاسس بنفس احساسي ده؟؟
والاجابة............................... مش موجوده

***********************

آسف ان الكلام ده حزين وكله تشاؤم بس ده كلام من قلب تقريبا فقد الاحساس بالحياة

دي حالة عشت فيها فترة من عمري و شفتها في عيون ناس تانيه كتير اوي
مش قادرين انهم يتكلموا و يعبروا عن اللي جواهم
بس للاسف لاني عشت اللي هما عايشينه بقيت بقدر اشوف حزنهم في عيونهم و اقرا كل اللي جواهم من غير حتي ما يتكلموا....

وفي النهاية دي مجرد اعترافات لقلب مجروح

وده مجرد كلام نفس قلبي و قلب غيري يصرخ بيه

ويمكن مش قادرين نقوله و بنكتبه في ورق و نقطعه

انا مش استخدمت اللغة الفصحي لان دي مجرد تعبير عن احساس

و أسف اني طولت في الموضوع بقي

ويا رب مش يكون حد منكم زعل مني

وفي النهاية ده مجرد رأي او وصف لاحساس يمكن يكون غلط او صح

مما قرأت وراق لي ونقلت للفائده
ادم 22

مفيش احساس حتي بنبض قلبي.......
لكن في حاجه جديدة ابتديت اعملها
في ابتسامه
ابتديت ارسمها علي شفايفي
بخدع بيها غيري
علشان ماشوفش نظرة عطف في عينيهم
وبخدع بيها نفسي لما اشوف نفسي في المراية
وبخدع بيها روحي
علشان تفضل في جسمي عايشة لغاية ما ييجي اوانها و تسيب الدنيا هي كمان
يمكن ساعتها ارتاح
يمكن في الموت راحه للألم اللي مالي حياتي كلها
يمكن؟؟!!!!!
أحاول اسيب الدنيا و اموت
بس هاموت كافر يعني
لأ إلا ربي و ديني
انا خسرت احساسي وخسرت حبي و خسرت نظرة للحياة بعين سعيده
لكن مش هاخسر ربي و لا ديني
ابو زياد...
افتكر انسان لسه بيرسم الابتسامه على شفاهه اكيد لسه عايش
الكثير منا بيكون الحزن داخل قلبه ولكن بيحاول رسم الابتسامه كى يسعد الاخرين
لانه الوحيد اللي يقدر مقدار الالم والحزن
لذلك دائما علينا رسم الابتسامه
والانسان اللي يخاف انه يخسر ربه ودينه ده بيكون يحمل اجمل قلب
لان الايمان الحقيقى هو مؤمن القلب
وكما يقولون ربك رب قلوب
مهما خسر الانسان حب او اكثر الحياه لاتتوقف
ولابد انه يقابل الانسان الحقيقى اللي يقدر حبه ويبادله نفس الشعور
ويكون جدير بحبه وبقلبه
ديما خلى الامل موجود
واجمل شيئ ان يكون الحب متبادل من الطرفين وليس من طرف واحد
دامت ايامك عامره بالسعاده والافراح والمسرات
وحب الله والرسول الذى لا يعادله حب
تقبل خالص تحياتى وتقديرى
اختك نور

عندما يلاحقنا الياس والاحباط والكسل
نرى قلوبنا محطمة في حياة ليست حياتنا
ويبقى القلب مجروح من عدة امور تدور حوله


لكن يبقى امامنا شيء واحد هو الله عز وجل
انه قادر على كل شيء
فلنتمسك بجلال الله وحده فانه ارحم الراحمين

اخوي الطيب ادم
توجه للباري عز وجل سيجعل همومك وجروحك كلها افراح ومسرات

الف تحيه لروحك النقية

موضوع روعة و صدقني انا حسيت بيه كتير لان بيعبر بجد عن احساس كتير من القلوب
شكرا الك ادم لموضوعك الراقـــــــــــــــــــــــــــــــــــي


ودي وتقديري

[QUOTE=بقايا انثى;905678]روعة دوم الابداع والتميز[/



بقايا انثي ..... شكرا علي مرورك اسدني
ادم 22

[QUOTE=أسى الآيام;904532]موضوع روعة و صدقني انا حسيت بيه كتير لان بيعبر بجد عن احساس كتير من القلوب
شكرا الك ادم لموضوعك الراقـــــــــــــــــــــــــــــــــــي


ودي وتقديري[/

أسي الايام ..../ مرورككم أسعدني وشرفني ولكم من الورد اطيبه واحلاه وازكاه ...... ادم 22

المشاركة الأصلية كتبت بواسطة عيون المهى

عندما يلاحقنا الياس والاحباط والكسل
نرى قلوبنا محطمة في حياة ليست حياتنا
ويبقى القلب مجروح من عدة امور تدور حوله


لكن يبقى امامنا شيء واحد هو الله عز وجل
انه قادر على كل شيء
فلنتمسك بجلال الله وحده فانه ارحم الراحمين

اخوي الطيب ادم
توجه للباري عز وجل سيجعل همومك وجروحك كلها افراح ومسرات

الف تحيه لروحك النقية

عيون المهي .... دمت بعز الرحمن الرحيم .... مرورك اسعدني وشرفني ..... اللهم اسعدك في الدارين ..... ولكي من الورد اطيبه وازكاه ..... ودي ووردي وكوني لاكون ..... ادم 22

المشاركة الأصلية كتبت بواسطة نور الشرق

مفيش احساس حتي بنبض قلبي.......
لكن في حاجه جديدة ابتديت اعملها
في ابتسامه
ابتديت ارسمها علي شفايفي
بخدع بيها غيري
علشان ماشوفش نظرة عطف في عينيهم
وبخدع بيها نفسي لما اشوف نفسي في المراية
وبخدع بيها روحي
علشان تفضل في جسمي عايشة لغاية ما ييجي اوانها و تسيب الدنيا هي كمان
يمكن ساعتها ارتاح
يمكن في الموت راحه للألم اللي مالي حياتي كلها
يمكن؟؟!!!!!
أحاول اسيب الدنيا و اموت
بس هاموت كافر يعني
لأ إلا ربي و ديني
انا خسرت احساسي وخسرت حبي و خسرت نظرة للحياة بعين سعيده
لكن مش هاخسر ربي و لا ديني
ابو زياد...
افتكر انسان لسه بيرسم الابتسامه على شفاهه اكيد لسه عايش
الكثير منا بيكون الحزن داخل قلبه ولكن بيحاول رسم الابتسامه كى يسعد الاخرين
لانه الوحيد اللي يقدر مقدار الالم والحزن
لذلك دائما علينا رسم الابتسامه
والانسان اللي يخاف انه يخسر ربه ودينه ده بيكون يحمل اجمل قلب
لان الايمان الحقيقى هو مؤمن القلب
وكما يقولون ربك رب قلوب
مهما خسر الانسان حب او اكثر الحياه لاتتوقف
ولابد انه يقابل الانسان الحقيقى اللي يقدر حبه ويبادله نفس الشعور
ويكون جدير بحبه وبقلبه
ديما خلى الامل موجود
واجمل شيئ ان يكون الحب متبادل من الطرفين وليس من طرف واحد
دامت ايامك عامره بالسعاده والافراح والمسرات
وحب الله والرسول الذى لا يعادله حب
تقبل خالص تحياتى وتقديرى
اختك نور

اختي العزيزه / نورا طبت وطاب ممشاكي وحيياك الله بما لم يحيي احدا من قبل مرورك كم اسعدني وشرفني .... مرسيه علي ردك الرقيق الراقي الذي وان دل دل علي زوقكك الرقيق
حتي لو الحب من طرف واحد فيكفيانه حتي حلم فياله من حلم جميل اشكرك علي ردك ومرسيه
وكوني لاكون ..... ودي ووردتي لكي ..... ادم 22