باسم الله والهادي وعلي ... يا حجة الله ويا ولي

مرفوعه رايات الطهر بيدك يمهدينه

ــــــــــــــــــــــــــــــــــــــــــــــــــ ــــ

يا سليل اهل الكرامه ... للموالي اسمك علامه

والفده عمره لمقامك ... فايز بيوم القيامه

بسمك نفوز ونعتلي ... يا حجة الله ويا ولي

مرفوعه رايات الطهر بسمك يمهدينه

هامت الروح بغرامك ... والقلب ذاب بجلالك

يا عدل يبن الامامه ... وانطر تجرد حسامك

افديلك الروح وهلي ... يا حجة الله ويا ولي

مرفوعه رايات الطهر بسمك يمهدينه

ما نذل يا منتضرنه ... بيك مولاي انتصرنه

خل تميل الدنيه بينه ... مفوض لربنه امرنه

بيك الشدايد تنجلي ... يا حجة الله ويا ولي

مرفوعه رايات الطهر بسمك يمهدينه

جينه نفرح بالولاده ... وننتشي عطور السعاده

مولدك مولد املنه ... وبس الك تحله القياده

بالدنيه غيرك ما الي ... يا حجة الله ويا ولي

مرفوعه رايات الطهر بسمك يمهدينه

يا حبيب الله وامينه ... ويا ضخر كرة علينه

تمسكت روحي بمحبتك ... عمري ترخصلك سنينه

نحبك يبو العلم الجلي ... يا حجة الله ويا ولي

مرفوعه رايات الطهر بسمك يمهدينه

رحيم الحسناوي

بارك الله فيك وجعلها في سجل حسناتك يامبدع.