أكَظي الليل أدكَ باسمك على العود

وأفز من الصبح واعزف على الناي

وأجيك من الفجر من قبل الاوذان

وأصيح اللهُ اكبر لو كَلت جاي

وأدكَ بابك وأظل اذرف بالدموع

وأشلعهن الك لو ردت رمشاي

واذا فرحان اشوفك مدري شيصير

تظل بوساتي تتطشر على إعداي

وإذا منك دمع طاحن على الكَاع

أظن تنزل سمة وتحزن على إبجاي

وإذا يمنتك يوم إنجوت بالنار

قسم باللي خلق ماريد يمناي

وإذا يسرتك صدفه جاست برود

هدية تروح إلك يا خلي يسراي

عساني بلا إدين إمكَطع الرجلين

إذا لغيرك يصير بيوم ممشاي

أنا كلي إلك ومسلم الروح

أخذني بروحي بس كودن على هداي

وخل نكتب عشكَنا اليوم عالماي

وأصيرلك حرف وتصير معناي

وإنت وياي ما نتقسم اثنين

واحد صرنه إذن من انت وياي

أنا شما وصفت مايوصل التوصيف

لذلك راح اكَلك عاين إسماي


احبك هاي كلمة معلكَة بسماي

وأموت إعليك كاتبهه على الماي
========مما راق لى======
رجل الغرام

روووووووووووعة

مروركم انار صفحتى شكراااااااااااااا لكم

منور اخى بارك الله بك