بصراحه هذي القصيده قريتها وتاثرت بيها كثير
بس الشاعر ابد ما قنعني في كلامه كيف يترك حبه لحب ثاني ويامن علي
اتركم مع القصيده وانتضر الردود

بصراحة وصية حزينة

اترككم لتستمتعو وتحزنو مع الوصية

وصاتي لك من بعدي......تموت فيها علشاني
ابيها تعيش وتحيا بك.....واظل بالذاكرة مفقود

وصاتي لك تنسيها ...... ملامح وجهي وانساني
وتعزفها قصيدة حب ..... على عكس ال عزفته بعود

وصاتي لك تبعدها ....... عن اشعاري وقيفانـــــي
تراها مغرمة بالحيل...... ويشهد لي عدد لردود

وصاتي لك تسايرها ....... ترى فيها من احزاني
طلبتك لا يضيق بالك ....... طلبتك والطلب مردود

وصاتي لك تناديها ........حياتي ..عمري..ازماني
انا عودتها دايم......... ادلعها وانا موجود

وصاتي لك تعاملها ........بطيبة قلب واحساني
تراها تذرف الدمعه........ ودمعتها بليا حدود

وصاتي لك تحفظها .....صور وايات قرأنـــي
وتخبرها عن الميت .....رحل لا يمكنه بيعود

وصاتي لك ترسمها......على قبري واكفاني
ابيها لوحة تبقى........على طول الزمن ممدود

وصاتي لك تلبسها....... عقد لولو ومرجاني
وتفك عن صدرها سلسال... هدية نايمه بنهود

وصاتي لك تمازحها .....وتشوف الضحكة باسناني
سقيتك يا ضحك هالكون...طلبتك لا تصير جلمود

وصاتي لك تقهويها .....من دلالي وفنجاني
تراها تعشق السمرا.....ويكيفها دخون العود

وصاتي لك تركبها ...على خيلي وعلى حصاني
وربي فارسه من قلب....شهادة ما تبي لشهود

وصاتي لك تسفرها...ديار الشام ولبنانـــــي
ترى يحلالها تقطف...ورده من بلد لورود

وصاتي لك تراقصها ......على الحان هباني
ترى فيها عرق خاله ...وفيها من جنون السود

وصاتي لك تحببها ... (ف) بو نوره بعد هاني
وتنسيها ندم غلطه...... انا فيها ترى المقصود
" غلطة لهاني شاكر "

وصاتي لك تكرهها..... في تاريخي وعنواني
ابيها تلعن اللحظة.....وتلعن كل فرح موعود

وصاتي لك تكلمها .....عن المجني وعن الجاني
وتخليني انا الظالم..... وانا من احرق الاخدود

وصاتي لك تشبهني...بدم احمر قانــــــــــــــــــي
وانا هالقاتل السفاح.........مجرم من عصر نمرود

وصاتي لك تحسسها......يهود الناس قحطاني
ابيها تبغضك يصلي...... وتبغضني انا والجود

وصاتي لك تحلفها ......تتوب تحبني ثانــــــي
ترى يكفيها ما عانت..... ويكفي حيلها مهدود

وصاتي لك تنفذها.......وصيه قالها لسانــــي
انا اخبرك رجل موقف.............وانت قدها وقدود

صديقي ما لقيت غيرك........يعرف شلون تنساني
امانه ضمها بقلبك........ ترى خالد رحل ميعود
00000000000

م ن ق و ل

من الصعب عن الأنسان ان يتخلى عن حبيبه
ولكن احيانا يكون من الحكمه ان يتركه
فلكل انسان له ضروفه التي قد تكون قاتله
فيجد ان سعادة من يحب في الأبتعاد عنه

اختي العزيزه
شكرا لجميل انتقائك
تحياتي

المشاركة الأصلية كتبت بواسطة السومري71

من الصعب عن الأنسان ان يتخلى عن حبيبه

ولكن احيانا يكون من الحكمه ان يتركه
فلكل انسان له ضروفه التي قد تكون قاتله
فيجد ان سعادة من يحب في الأبتعاد عنه

اختي العزيزه
شكرا لجميل انتقائك
تحياتي

شكرا لك اخي العزيز على كلماتك الاكثر من رائعه