عطش كلبي عله شوفك يمته لينه تعود
ويمته ابشوفتك تتكحل العين

صبرنه وساهرينه والدموع شهود
وعلى نار الجفه نتكلب سنين

يها المبعد تعال
وكافي بينه اتجور

عكب عينك يتامه احنه ومساكين
غيابك طال يمته اترد يمهيوب

ليالي جفاك اصعب تره من البين
وحكك ما بعد نتحمل الاه

وعبرات الدمع رون بساتين
عطشنه الشوفتك

حد شهكت الموت
واسمك بالنفس يصعد رياحين

شوف النواظر وانت عني بعيد
وحساب النجم اثر نياشين

انشتل كلبي عله بابك ناطر وناطور
وبعد ماضل صبر حد الصبر وين

مماراق لي جدا

الاخت ام علاوي...
اتمنى لكي ابداع دائم
(صح لسانج وعاشت ايدج)

الاخ المبدع السومري .. اسعدني تواجدك تنير متصفحي البسيط
لاتحرمني هذه الطله الجميله
تحياتي الخالصه

شاعرنا المتألق زهير العقابي ...بصمتك اثلجت قلبي
اهلا بك اخي واهلا بأشراقتك التي زادت سطوري نورا
فالابداع انتم اهله ومنكم ننهل
لاعدمت هذا الحضور المميز
لك مني اجمل التحايا وارقها

حلومه ...شكرا لروعة حضورك غاليتي
اسعدني وجود بصمتك تتراقص مع احرفي المتواضعه
لاعدمت هذه الاشراقه الجميله
قبلاتي

الغاليه ام علاوي


قصيده رائعه وانتقاع اجمل قصيده حملت


معاني جميله ومشاعر فياضه


دائما ذواقه باختياراتك


تقبلي مروري