اخر داس

اوكف خل اصفي احساب دنياي
وشوف اشلون حطتني ابكترهه
نار ابنار صرت ابين نارين
لانه الفوكهه ولانه الحدرهه
انه اتلوهت من جدمي للراس
موزه اتلهمطت هيه اوكشرهه
لاماخذ ولامطي اعله يا مال
اشرب نارهه واكرط جمرهه
شتله اسنين عمري ولاحهه الماي
جدمك داسهه وغيرك عبرهه
ليش اتعذرك ودري انه معذور
روحي من الخلك محد عذرهه
كبل لاطيح ربعي اتبرت ابساع
غمضت عينهه ودارت ظهرهه
وانه الهم جنت متهدل اهدال
عله الصوبين وي مدهه اوجزرهه
بعدني ابخير ما مديت الجفوف
الحاله ميسره اوربك سترهه
اكاسر بالصبركاسات العتاب
ميخالف كلت حلوتهه مرهه
وصلت العشره وحسب ضاع الحساب
تهت مابين واحدهه وصفرهه
يطير ابيا سمه المكسور الجناح
وغير اجفوفك اجناحي اشكسرهه
اجدامي اثنينهن ركسن بالهموم
اعله يا وحده انتجي اوياوحده اجرهه
انت اتريدمني اودنيتي اتريد
ماريدك ردت كفيان شرهه
جذب سرفنت ردني اكبال الوجوه
لحست ايدي وكلت طافح جدرهه
الكمر جم مره كا لو بلعته الحوت
ولاحوته الكبل بلعت كمرهه
اسكت يل كلت هذانه عيناك
كبلك ناس دكتلي ابصدرهه
عمر كضيته لعبة دومنه اوياك
اخر داس راح العب وفرهه

ام فيصل

مرورك في صفحاتي

يمنحني الكثير

من الابداع
تقبلي محبتي اليكم

كبل لاطيح ربعي اتبرت ابساع
غمضت عينهه ودارت ظهرهه
وانه الهم جنت متهدل اهدال
عله الصوبين وي مدهه اوجزرهه


رائع والله وصح لسانك وسلمت يداك
صورت الابيات بشكل جدا جميل
واني لابارك لك على هذا الاسلوب
اتمنى لك دوام الابداع
وشكرا لتقبلك مروري

زهير العقابي

شكرا لك على مرورك

الجميل في صفحاتي

انت اتريدمني اودنيتي اتريد
ماريدك ردت كفيان شرهه


صح لسانك اخي الكريم
وشكراا لرووعه بوحك الجميل
مع خالص شكري وتقديري