عذبني بعد .. لتظن أگـلك ليش

لأن عمر الشجر ما عاتب الفاسه

ولا أگـلك أجرد من صفات البيك

يا شيطان گـبلكـ عاف وسواسه ؟

محطه إنته بدرب .. كل اليجي يمر بيك

گـلب ميت صرت ومفارگـ إحساسه

ما يذبل ورد لو ما تلزمه الناس

و يموت الدرب لو ما جدم داسه

وصرت إنته جسر .. تنداس حته تعيش

وما تكرب نهر من يعلن إفلاسه

أعرف معدنك .. بس همني ماي البيكـ

ترويني .. شعلي بمعدن الطاسه ؟

وإذا شفت الگـلب مر بيكـ .. مر مجبور

وأضربلكـ مثل .. وأنطيكـ مقياسه

إلــ يدني القدح .. يم شفه يشرب ماي

مو معناهاقَبَـل مايك وباسه !!

البلبل لو ركع .. لمن أكل تنطيه

ما يركع إلك .. بس ياكل براسه !!

مو آنه الغشيم إللــي يعاشر خيط

ويشده برگــبته ويگــطع أنفاسه

آنهمن أرد أعاشر .. تاج يحضن ماس

تغله شما تحيل .. وتعتگـــ الماسه

ما أعاشر سعف ييبس وتالي يطيح

ولو يصفه حطب .. لو يصفه مكناسه

(( مَنْقُوُوُوُوُوُوُلْ ))

آنهمن أرد أعاشر .. تاج يحضن ماس


تغله شما تحيل .. وتعتگـــ الماسه





ما أعاشر سعف ييبس وتالي يطيح


ولو يصفه حطب .. لو يصفه مكناسه


رائعة انتي دوما عزيزتي
في الإنتقاء والتذوق
قصيدة جدا جميلة تحاكي القلوب
دمتي بهذا الألق
مع كل الود

حسن الاختيار دليل الذوق الراقي.تقبل مودتي..

امي الحبيبة ام فيصل ممنونه لجميل تواصلك ومرورك العطر
دمتي لنا قلب المنتدى
شاعرنا المبدع شاكر الهلالي شكرا لجميل تواصلك ومرورك العطر

اخي الكريم الغروب ممنونه لمرورك العطر
دمتم بالف خير
تحياتي لكم

رائعه انت عيون المهى\واختيار رائع اعتقد ان هذه القصيده للشاعر معتز المياحي تحياتي اليك\حلوم

ام علاوي عزيزتي يسعدني تواصلك المميز

ابو سجاد الركابي شاعرنا المبدع ممنونه لجميل تواصلك الدائم
والله خويه ماعرف منو كاتب القصيدة
فنقلتها لكم بامانه

تحياتي لكم