للعراق الاغلى هديتي
روحي الف مره فدا لترابك
انت علمت الامم صنع الحياة
وانت دليت الفرح لبوابك
من زمان واحنه نكتبلك اشعار
وعلكينه اشعارنه اعله اعتابك
انت اصل النور يا منطق الضاد
اليوم اشرح درسك لطلابك
كول انا بخير لا متهزني ريح
واهزم الريح من اريد اتشابك
يا حبيبي وتاج راسي يا عراق
انفض السهم اللئيم الصابك
والظلم لازم اله يوم ويزول
والنصر لهلك وكل احبابك
افدي نفسي واهلي واطفالي الصغار
برغم ما أملك شبر بترابك
هو حبك بالنبض يمشي بدماي
وشايل افضالك وحق ثوابك
وريت اليظلمك مرض ميصح دواه
وانا احــبــّك واسجـد بمحرابك
***********
بقلمي مع أطيب تحياتـــي 0
رد مع اقتباس
رد: للعراق الاغلى هديتي
رد: للعراق الاغلى هديتي
المشاركة الأصلية كتبت بواسطة الشاعر جلال البطاط
