دارميات رومانسية
غلاكم طاسة لبن تطفي لهيب الگيظ .. و حبكم ثريد و لحم ماهو طماطة و بيض
تدري اشوكت هلروح من حبك اتوب ؟؟ من تسمع الشيطان غفروله الذنوب
لو تحط مو مكياج لو تحط حمرة ... العوبة عوبة اتظل والكَمرة كَمرة
لك لو مو ترش الدرب تيزاب لو تزرع ألغام ... أخلي اللحم طشار واوصللك عظام
ليش التريدة الروح محد حجالي ... اصعد على النخلات ﻻلنكي ماكو ؟؟
من كثر ما مشتاك خبلت نفسي... اشرب نفط بالكوب حسبالي ببسي
من كثر ما مشتاك صرت اني مخبول .... اتفرج الاخبار حسبالي كعبول
من كثر مامشتاك وحبك بنفسي ... وكفت الامريكان حسبالي تكسي
احول حبيب الروح اثول مطفي ... لاكاني عين بعين باس الي بصفي
اطبخ وافكر بيك يا حلو العيون ... بالمركة اخبط جاي حسبالي معجون
كون الجمال البيك يندار بيه ... كلما احن واشتاك اصفن عليه
طلقات اسوي الروح و لفراكك احزن ... و كلما تمر عالبال ارميلي مخزن
فرفح جهازي عليك ثق هلهل الرام.... والشحن من دكيت يركص هجع كام
اليكولك اني انساك كله انت اعمه ... و انزله دك كلات كسرله خشمه
بطل وربع جريت كل قصدي انساك... تاليهه بأخر بيك بالمزه الكاك
حبك يابعد الروح غيّر كياني .... اشرب عرگ بجفاك حسبالي راني
منقولة اتمنى تعجبكم تقبلوا تحياتي
رد مع اقتباس
