ياشط الملح دومك تظل عطشان

تترجه النده وتتوسل ايعينك

وصفناتك تجرهه وثگل حملك ريل

وتفز السچچ كلما گرب بينك

غسلت اجدامك بدمعي وگلتلك فوت

ونفضت اهدومك بوجهي بوسخ شينك

وتلگيتك محطه وهودرت بالروح

: وخدرت واستراحت كل فراگينك

تلهم بالصبر ويطش ظلام البيك
.

بلچي من الفجر تلحگ نياشينك

ظنيت الليالي توج نهار البيك

ثاري البيك لبه اصخامهه ابعينك

ثاري البيك منحر والضمير اسيوف
وانت اوحيد والتهبت صواوينك
خذتني بسچتك تسحگ گلب ملهوف
.
.وكل لهفه ابچرخ والحگ سچاچينك

عالمامش تلوچ وكل جرح عطشان
.
..
متعني السراب اتبخ چوانينك

جثه اتواكحت والسچه عزراييل

وكل چف ناذر ايجر من مصارينك

يمرافك ابليس وماحسبت احساب

اول ما كفرخلبص غزل دينك

گبلك چم ملح ذاب اويگطرة ماي

: ياقصر الرمل طحت بروازينك

طبع الگاع تنطي شما ملحهه ايزود
.
..لوتحچي البزايز چا كفر طينك

@@@@@@@@@@
مهداة الى من خيب ظني

رنااااااااااااااااااااااااااااااا

منقولللللللللللللللللللللللللللللللللللللللللللللل لللللللللللللللللللللللللل

قصيدة جدا جميلة شكرا لك ولمن ارسلها لنا شكرا رنا

شكرا لك يا امير على ردك

وشكرا لك يا حسام

اني نقلتهة حسب ما كتبهة الشاعر

لان حسيت بعض المفردات وبقصد الشاعر اعجبتني

لان ينقل غدر الصاحب ومعدنة

هذا الي قصدت على الي خيب ظني

وشكرا لك