ضيعتني وجنت احسك بالحنين تفيض شوك

وكدرت عمري اعلة خصرك ثوب ولكذلتك طوك

وانته حتة جفاك غالي

ومن اريد انساك روحي تبوكني لطرواك بوك

وآنة عطشان لحلاتك

يا طعم شفتك حبيبي عسل بس يحتاج ضوك
اكول مزاعلك حتى انه اراضيك
لان وكت الصلح تغفه ايدي بيدك
واكلك ما اريدك خاطر اتشوف
احبك حتى لمن مااريدك


كون أغمض عيني وأفتحها عليك
وألگه روحي بلحظة تصبح بين أديك
وأمشي ما بين الحدايق والحقول
وما أخلي أنهار وأجبال وسهول
وين ما ألگه عراقي أصرخ عراق!!

في بلادي المو حلو تلگاه حلو
وحتى طعم الثلج بشفافي دفو
العراق الشعر والحب والطرب
چم حريق أشتعل بيه وما خرب
وأحله مابالكون شي أسمه العراق
خاف اموت وما اشوفك ياعراق

من كالوا اجه الكل طلعوا ايكرضون ............

والبيبان طلعت هيه والعتبه ............

من كد ما حلو لزموا سره ايسالوك ..........

شنهي انت حلاتك صدك لو جذبه ..........


تعال اهنا ... شيل ارموشك ابعيني
وفتح ورقه بيضه ... وابتدي امن اول
تعال وهاي كل اوراق عمري الصوفراها الليل...
ماذبها خريف ولا ابسن منجل
اتصفحني ......
ما تلكاني بس جلمات
تعّبها الزمان ولونها اتحول
يالشايل حلاة الناس ....
خليني اعله بالك لو ردت ترحل

شكد شايف شفايف فوكهن شامة
مثل شفايفك ماملتقي بشفة
تلزم لفه بيدك تاكل من الجوع
من كثر الحلاوة تعضك اللفة

احس بطعم شوكك وانت زعلان
ومن تبعد جمالك اكثر يزيد
يجيني العيد افرح اللبس اللوان
وانت من يجيك يلبسك العيد

منهو الكالك بيك انا مجنون ومنهو الكالك ماكو ابمثالك
كبل لتروح خلي اتراهن وياك من باجر احب انته بدالك

اذا باچر يجي يعني الامس راح

بس خوفي الامس نلكَاه باچر

واذا كل يوم نحلم باچر يكون

يا خوفي صدكَ ما نلكَه باچر




شاعر عاش عمره حسرة العوز

وشاعر بالترف من عاش عمره

شوف انت الفرق مابين الاثنين

ياشاعر تحس من تقره شعره

جنت محتاج اشوفك من جنت ماشوف
وحتاجيتك عين اليه بوكت عازه
كزازه انت واضمك بين العيون ويا عين تغمض عل كزازه


دمعه بعيني شلتك والزمن عبرات
ياما سنين مرت مابجيتك
سدو بابي مره ورادو انساك
نسيت الصار كله ومانسيتك
اجيت الباب بينك وانه مشتاك
اسف كل الاسف بايع لكيتك

غير صوتك تسمع متريد اذاني
واعيد لو يوم صوتك اجانـــــي
كون الصوت بالجف يلـــــــزم
واجيب الصوت من حلكك لذاني

تظل انته الهوه ونتنفسك دوم
ودنيانه حبيبي انته شمسهه

گبال المرايه تعدل الناس
والمرايه گبالك تعدل نفسهه


كتبت اسمك بصفحة حايط البيت
ومن حس بحنانك صار مسكين
طاح البيت لمن انتة مريت
ولك حبك سطر حتى الحياطين

هاك الروح اخذه واني ممنون.
لا انطيك عيني ولا اعوفك.
مو بخلا عليك وشنهي العيون.
اخاف انطيك عيني وبيش اشوفك

كحل عيني من اشوفك بيه مريت
يا غالي ولون تدري شغلاتك
بماي عيوني اكتب موش بقلام
لأن لون الدمع يشبه حلاتك
************
تدري ليش ساكت من الاكيك ؟؟
وانا من انظر العينك كلشي يتبخر
يمعود تراني foraten.net/?foraten.net/?foraten.net/?foraten.net/? الله اهواي من الكاك اسلم رحمه اتذكر
******************
سنين نركض وما لحكنه السلحفاة وهيه عدهه ابيت واحنه بلا هدم وانهجم بيتك تكلي وبيت ابوك هو عدنه ابيوت خاطر تنهجم

************************
هم تدري السبب ليش عليك ما انشد,,,,,,,,,,,,,,,,,
للان سلوت دليلي ورسمك بعيني,,,,,,,,,,
وبس يغمض جفنها الك اشتاك,,,,,,,,,,,,,,,,,,,,,,
ونته بكل صلافه تكلي ناسيني,,,,,,,,,,,,,
************
كون ايصير كلشي بعمري مكَلوب
وارضة بكل شئ يطلع عن اصولة
كون اول حياتي الكبر والشيب
واخر لحظة من عمري الطفولة

**************
عفتك بالشمس حتى اسمر اتصير وعيون الحواسد تكطع النظرة
اجيتك ردت اشوفك تدري شلكيت لونك ماتغير والشمس سمرة
**********
صدك حيلي ركد يا وسفة عالحيل
تريد اركع ولك يا زحمة الزحمة
صرت مثل الصنع بيده التماثيل
صنعتك بيدي واطلب منك الرحمة

غير صوتك تسمع متريد اذاني
واعيد لو يوم صوتك اجانـــــي
كون الصوت بالجف يلـــــــزم
واجيب الصوت من حلكك لذاني

تظل انته الهوه ونتنفسك دوم
ودنيانه حبيبي انته شمسهه

گبال المرايه تعدل الناس
والمرايه گبالك تعدل نفسهه

كلمات في قمه الروعه
تترك في الفس اثرا كي تذكر من تحبه وتتغنا باسمه
سلمت ايها الامير وسلمت اناملك

المشاركة الأصلية كتبت بواسطة الامير سامر

منهو الكالك بيك انا مجنون ومنهو الكالك ماكو ابمثالك
كبل لتروح خلي اتراهن وياك من باجر احب انته بدالك

كل التحايا القلبية لك ياأمير على هذا الكم الكبير من الومضات التي اعجبتني كثيرا دام لنا هذا الابداع المتواصل

شكد شايف شفايف فوكهن شامة
مثل شفايفك ماملتقي بشفة
تلزم لفه بيدك تاكل من الجوع
من كثر الحلاوة تعضك اللفة


ومضات رائعه واكثر من رائعه
اخي لامير يسلموووووووووووو

تقديري لك ولاختيارك الرائع

جزيل الشكر للردود الجميلة