طبعا مثل ما تعرفون .. هاي الايام كثرانة البواري


فهذا الشاب خطية وحدة ضاربتة بوري ( على راسة )

وكلش ماثر عليه

اعوفكم ويه القصيده واتمنى تعجبكم


البوري


تعودنة على البواري خوش عادة اليوم
واضنهة الشغلة صارت حيل عادية


كاشخ اني جاي بالعجل طبيت
وشفتهة گبال عيني تدخل الكلية


حجيت وياهة اني وگلتلهة معجب بيج
احبج والله احبج صافية النية


اشو دلغم وجهة وعبست فد نوب
وگلت بگلبي لاصت علية


روح بعيد گالت ماني بخلگ عشاگ
اذا انت التحبني اني شعلية


مو بوري ابو الانج ضربتني ابو الانجين
وضربتني على راسي ضربه حربيه


واظن اثر عليه البوري كلش حيل
وشفت الناس ترگص كلهة جوبية


وبعد الضربة احس الدنيا عوجة وياي
واظن صابتني يمكن هوية شرجية


فتت من العميد گتلة هاي مستر جون
والدكتور گتلة شلونج خالة سعدية


ورحت على الكشك مدري شجاني اليوم
اعاين على الجبس حسبالي شامية


اكبر زوج والله الي يصارح اليوم
واغم كلش اغم اليصارح بنيـــة



تحياتي
للامانه الادبية شعر منقول

هههههههههه
والله بوري معدل
وين لكيتيها
سلمت يداك
مشكوررررررررررره عيوني