شيعوضني
الدمع وانه الخسرته هواي
وعلى رملة امل كل عمري وشلته...



وانه الباكو نهاري ورحت ادوره بليل
والمسودن طبع ميعوف سالفته...

على نفس الدرب ذبولي بس الصوف
حته ارجع واكول ذياب ماكلته...

وانه الماصبر والعطش ماوازاه
دنت نفسه وذبح بالصحره راحلته....

كلب ماجنه كلبي جــــــــني متـــــبنيه
جرعته القهر مايـــــــــوم دللتــــــــه...

طفل من ايده اكوده وهوه يمشي ويــاي
وعلى ضحكه بكـــهف للــموت نــزلته...

انقفل باب الصبر كد ما ادك عليه
مو خالي كرم بس انه مللته....

بعد ماهد سهم كون الطريده بعيد
مابيهه فخر لو ا كول وصلته...

وشفت عصفور ميت كل جرح مابيه
حرت هذا المنيه شلون واصلته...

شلت راسي وشفت بالشجره عش محروك
كلت هذه السبب والحركه كاتلته...

ونفس موته متت والجسد لحد الروح
وحسرات الجفن وبدمعي غسلته...

وسحب سيفه الزمن هل من منازل صاح
اعزل ماخفت والزمن نازلته...

مالحته ابد لاكن ترسني جروح
بس عندي المهم ماعفته قاتلته...

دبسك ياضمير الصار بيه هواي
بسك هالعمر مايوم جاملته....




حذر بسوالفي نكلة جدم صياد
وأسأل خاطرك مايوم جفلته....

كصبه اعلى الجرف يدفعها روج الضيم
ويحنيني الهوى بس طبعي عدلته....

مماراق لي

دبسك ياضمير الصار بيه هواي
بسك هالعمر مايوم جاملته....




حذر بسوالفي نكلة جدم صياد
وأسأل خاطرك مايوم جفلته....

كصبه اعلى الجرف يدفعها روج الضيم
ويحنيني الهوى بس طبعي عدلته....


غاليتي ام علاوي

يسلم ذوقكِ ياوردة ودام ابداعكِ

وصح السان الشاعر العراقي سمير صبيح

على هذه القصيدة

تقبلي مروري

ابو حسين الطيب... شكرا لرقة المشاعر
والف شكر للحضور المشرق
لاعدمت تواصلك اخي الغالي
لك باقات من اجمل ورود الفل

ام فيصل ... عنوان الابداع ومنهل التميز
شكرا لعذوبة الكلمات
فقد تاهت حروفي وعجزت عن الرد فيما تفضلتي
لاعدمت تواصلك المتواصل
ومنك نتعلم غاليتي
تحياتي الابديه وتقديري الدائم

طيبة النجف ... شكرا لحضورك الجميل
واتمنى ان يدوم التواصل
تحياتي غاليتي واجمل المنى