السلام عليكم

عليك شما ردت أسأل مندلاك
وياما شگد شرب كاسي من دلاك
دلال گليبي يمدلل من دلاك
من أشوفك أنسى كل الصار بيه


لأن وحدك صرت للگلب ملاك
أذا عفتك حبيبي شلون من لاك
چنت فارغ غرام وگلبي ملاك
وهسة انته صرت أستاذ أليه

.......................


وألك طعني بوسط گلبي ولكمات
فضحني الشوگ البصدري والكمات
تعال أسأل على حبيبك ولك مات
أذا تحبني صدگ أبچي عليه


وأنه بطبعي جزيرة منسه مائي
لأن ألوان حبك من سمائي
بعدك همي ينزل من سمائي
وأبقى لخاطرك أحمل أذيه


وأنته ليا زمن تغلط وعدلك
نسيت اللي نذر عمره وعد لك
أحسب چم جرح بيه وعد لك
وانه حتى الجرح يبچي عليـــــــــه

احسنت اخي لهذه الباقة من الابوذيات الرائعة
خالص مودتي وتقديري

المشاركة الأصلية كتبت بواسطة ام علاوي

جبروت رجل سلمت يمينك على الابوذيات الروعه
لاحرمنا مدادك عزيزي
تحياتي

اختي العزيززة كم اسعدني تواجدكي في موضوعي
نورتي الموضوع

ابوذيات روعه

عاشت الايادي

حورية المنتدى و ابو دومة
كم كان رائعآ تواجدكم هنا في صفحتي
نورتو الموضوع
يسلمو ع الردود الرائعة

صح لسانك عزيزي
ابوذيات جميلة
عاشت ايدك
ودام لنا هذا التواصل والإبداع
مع تحياتي لك