الدارمي

الگلب ما بيه صوچ تگطع ور يده


كل الســبب بالعين وكحه وعــنيده




******




تنـكر تگــول العين شـمسـويه آنه


صوچ الگلب خواف ذبني إبمهانه




******




أعـميهـه والعبــاس لو هـملـت العـين


ضاع الحساب اوياك مو وحده وثنين




******




تهجر تغيب اســنين وتگلي اريـدك


شــنهي العـمـر يفــلان لعابّه بــيدك




******




يـمشي ابفرد شـريان دمي إويه دمـك


وضلوعي أدفه اعليك من حضن إمك



******








ليـش اليعوفه اهواه يـصبح شــماته


تـتشــفه بيه النـاس حـتــه إبممــاته




******




دمـعـك عـزيــز اعـليك بالك تـهـلّه


إنســه الجفاك وراح واستخلف الله




******




گلي الـدمع شــيفيد لـو مني راحـو


لو دم تهل العين إجفوني استراحو




******




هــم عين الك وتنام بعــد العملتـه


لو ذره بيك احساس ليلك ما نمته




******





اشطوله صار الليل ماضن صبح بيه


والصبــح مـثـل الليل خــافنـه تـاليــه




******






ســالم يبعد الروح معموره دارك


شوگ ومحبه اهديك عيدك مبارك




******




طــول العمر والخــير نتمنه الـكــم


عــيـد الأمان ايكون هاذه اليمركــم




******




عام الســعاده ايكون عام اليجيكــم


دومـه ابـفـرح وبخير عـايـد عليكم




******




كلما يطول اجفاك لتصدگ انساك


انت السلبت الروح وگليبي وياك




******




تبچي وتهـل إدموع وتگلي آســف


والعشره ذيچ اوياك صارت سوالف





******










تفرح ثـلث تيام حســبـالـك اتــدوم


رد عاذلك شتگول شتسوي هليوم




******




بأحســن جزه اتجازيت ياوســفه ياحيف


والتعب ضاع وراح مزنه ابوسط صيف




******




قـبلــه ونصلي اعـليك يلوجـهــك آيـــه


ومـن الحـــســـد والعين حطلـك حمـاية




******



سبعه وشغلهه اهواي ما منهه وحده


بـين (الطبع) والچـاي مبـتلـيـه (هنده)*




******




رد ابصـدق واخلاص وبســطر واحــد


مـني اشــحصل وشــصار واعليّه حاقـد





******

ما غزر اويــه الـناس مـاصــخ مـلحـنـه


ولا حــوبــه ابـد لـلـزاد شـنـسـوي احنه




******




شــوگ ومـحبه اهـديـك يا بو ديـــانـه *


حـــبـك ابـنـص الــروح صــاير مچانه




******




شــما ردت انته اتگـول مقبوله منــك


صـــدگـني بـس المـوت يبـعدني عـنك




******




يـا هـو اليـمـر عـلبـاب حســبالي إنـته


اشـــعـطـلك وبـطـاك مـوعـدنـه خـنتــه




******




عـل الـوعــد آنه اويــاك لتظـن اخونه


تـدري هــلك يـــا زين خـطار اجـونـــه




******

اخـتنگ بالعبـرات وادمـوعــي شــلال


لــو مـا اشــوفـك يـوم يـالـوجهك إهلال




******




لا گـلـب رف اعـليه لا يحـله بــالـعيـن


غـيرك ينبـض الروح واچــلاي الثنين




******




ذمّه اويه ملچ الموت من يحضر اتكون


بـيـدك تنگـط الـمـاي وتـغـمـض الـعيـن




******





ذمّه اويه ملچ الموت تحضرني يهواي


بـيـدك تـغمـض الـعين وتنـگـط الـمـاي




******




كـل رنه كـل مســكول حسـبالي مـنك


شــنطي الگـلب اعـذار لـو سـأل عنك




******





تـوه الـنبض بالگـلب عـاد وجـره ابدمـه


نور ويشع عل (القسم) من طبّت (ا لعمّة)*

******

نـص گلبي رســمچ صــار چـاوين احـطّه


خــايـف يجـي فــد يـوم تــنسـانــه (بـطّــه)




******




مــن العــرج يـنشــال گـلبــي واگصـــّه


لـو شــفـت غـيرك راد يـسـكن ابـنصـه




******




لـو مــا اشــوفك يـوم تـدريـني اصـخّن


مو حگّي من فرگاك گمت انه (ادخن) !




******




گـلبي اعـلن الاضــراب ما يضـخ كـل دم


لمـن يـجـي المـحبوب مـن عـطره يشتـم




******





من هسـه فضهه وگول ما بيه حيلك


لو رايـد انـته اوياي تـلعـب ابــذيلـك !




******





ابحرگــه ادعي اعـليك يلروحي بيـدك


تـنشـل جميع اعضاك يـنـســد وريــدك




******




ذمـه اشــكـل الـدفـان واليـحفـر اگـبور


يحـفـرلي يــم اهواي حـته ابـقه ناطور




******




اشــبگني خــل اتصـير ريـّّه اعــله ريّه


ولـو رفـــّن الريتـيـن اتـــرف ســويّـــه




******




عـطر الورد واليـاس بالدنيه لو فـاح


ابــدن فــلا يعـلاچ يـا عـطـر الارواح




******






لا حـسره تـشـفي اجـروح لاكـت الـدمـوع


دگ إعله صدرك حيل دگ عالي مسموع




******




خـل لطمك اعـله اچلاك لا تلطم إخـدود


بـلچــن يحـن اعـليـك ويـرد لــك اردود




******




قـشــمر جـميع النـاس بـس آنه لاله


چـذبـك صُبـح مـكشـوف دوّر بـدالــه




******




أعـمه وتگــوده النـاس تتصـدق اعليه


كـلمـن ســعـه ابفرگـاك يـا ولـفي تـاليه




******




چـوي الگلب عـطـاب حط بعـده تـيزاب


چــي حـن عله الباعـوك إبـسـعر التراب



******



متعـجـب انته اهواك ابگلبك مچـانه


نـبـض الگـلب( يفلان )سـلمتـه آنـه




******




بس جسمي عنك غاب ظل گلبي يمك


وأتمنه اعيش اوياك كل لحظه اشمك




******




إشكثر عدنه اعياد وعليهه قيـسي*


بس إهدعش بشباط هوه الرئيسي




******




زيجي ارد اشگه اعليك وي وكت الغروب


إمـفـرعـه وادعي اعليك يلتخـطـف اگلـوب




******




گـلبي التولـع بـيـك كـل ســاعة يـنـهـار


لـو غـبـت يــوم اعـليه يـدخـل بالانــذار




******

مـا نـفـع عـلگ اشموع عشره الاصابع


وإشـمـا نـصحـنه اوياه... دگـنه طـابـع




******




ظل احمل انته اهموم ظل احمل آثام


إشكثر گلي اگلوب تكسرهه كل عام




******




ما ضـل دمع وابچـيه هم صـبر ما ضل


(زيـودي)فـدوه ارجـوك دورلي فـد حـل





******



بيـش احلـف اتصـدگين يانـور العيون


احلـف ابـدم (احسين)بيچ انـه مجنون




*******



يرجـف يريد ايطيح گلبي امن الضلوع


لو شافك امن ابعيد ايضل دگه مسموع



*******


طولـك حــلو(مروان) يتـفــصـل اثنين*


شــيل الشعر ليــفوﮒ لا يفــﮕس العين


منقول

دمـعـك عـزيــز اعـليك بالك تـهـلّه


إنســه الجفاك وراح واستخلف الله


*********

باقه رائعه من الدارميات الجميله
فشكرا لاختيارك الرائع
دمت بالف خير
تحياتي

الف شكر لك احلام للمرور العطر

والف شكر للاخ كريم للمرور وشكر على الدارمي الجميل


تحياتي لكم

شــما ردت انته اتگـول مقبوله منــك


صـــدگـني بـس المـوت يبـعدني عـنك

*********
فعلا" انها من اجمل الدارميات

سلمت يمينك اخي الزير
لاحرمنا عطائك
مودتي الاخوية

عاشت وسلمت الايادي اخي الزير سالم
على هذه الباقة الرائعة والجميلة من الابيات
هذا ديوان كامل لا حرمنا الله من ابداعك

سيدي الزير
راقني ماقرأته من دارميات قويه واسلوب راقي
كما عهدناك دائما
دمت للتميز عنوان
لاعدمنا ابداع قلمك
تقبل مروري
تحياتي واحترامي..بنت البصرة مرت من هنا..

يـمشي ابفرد شـريان دمي إويه دمـك


وضلوعي أدفه اعليك من حضن إمك




الله عليك يالزير
وعلى روعة هذا الإختيار ابيات جدا جميلة
عاشت ايدك
وماننحرم حضورك

مع اخلص تحياتي لك