اذا ناوي البعد .. ومتعبك الحال ..
بكيفك عادي ظلت ابعد وروح ..




ليل بلا كَمر موحش ترى يصير ؟
وبلايه الوجع ما تحلى الجروح .


عمي انته حلو ومدلل هواي؟
وانه من التعب حت وجهي ممسوح


بس يوم العرفتك جنت تمثال؟
وبلمسة حناني انطيت الك روح ؟


دللتك دلال الام للزغــــار ..
والخاطر عيونك كلشي مسموح ..


ما محتاج منك اعرف شصار؟
متعلمة اليتامة ودارسة النوح


وكَبل ما تبتعد بس عندي جلمات ..
بكَلب مجروح اوكَف خل احاجيك ..


بكَد طيبي اوفائي الشفته وياي
تتحسر على الحنيه اخليك


ولا اعتب لان بيك انا مخدوع؟
اعتب عالزمان الجــابني عليك .


وراح تشوف باجر سود الايام ..
وخلي النار بضلوعك تشب بيك ..


وغلا كل دمعة نزلت فوكَ الخدود؟
وحكَ ربك كثرهن راح ابجيك؟

ما محتاج منك اعرف شصار؟
متعلمة اليتامة ودارسة النوح


وكَبل ما تبتعد بس عندي جلمات ..
بكَلب مجروح اوكَف خل احاجيك ..


بكَد طيبي اوفائي الشفته وياي
تتحسر على الحنيه اخليك

عاشت ايدج وصح لسانج عزيزتي
اختيار جدا موفق
ومعاني رائعة
دام لنا ابداعك
ولاحرمنا جميل سطورك
دمتي بكل الود