انزف صبر ياوطن




انزف صبر ياوطن بية الك مية جرح وكلما يهيج الالم بجرحي اذ الملح واشرب نخب هيبتك من المسة للصبح غيرك جرح ما الي ومثلك محب ما يصح يا رمح غضمايري لاقطة ولا صابني كلبي على وطني ..............بل حرب شلتك نبض من ساتر الساتر وشربتك ابخوذتي من حبك الطاهر تغفة على سبابتي ويبقى الكلب ساهر .....بل حرب شلتك نبض وانطيتك اخواني وكلما تذب القمر تطلب قمر ثاني لاجيت عزيتني لاشاركت حزني اشكيك يا منيتي لو تشتكي مني كلبي على وطني كلبي على وطني كلما تدك صافرة وبكل قذيفة غدر تنطلق من طائرة وكل قنبلة لو اجت وبا ارضك اتفجرت اتفجر الحالتي وبجفوفك اتناثر ودموعنة صوغتك وايامنة امكابر وبس الالم والحزن من شجرتك ينجني كلبي على وطني...... كلبي على وطني وي رجفت الفنجان وبكل تحية صبح من حايط الجيران لو موانت يا مشكلي ما كا كل ماكان و من غير ارض واهل وشقيمت الانسان بس يا حسافة الاهل من حط رحال الجمل وياك علو الجبل ولرخص علج اجنبي تتخضع وتنحني كلبي على وطني







تحياتي الى كل من يقرأهذه المشاركة وانا بنتضار ردود افعالكم على هذه القصيدة

مع الاسف ليش محد رد على هذه القصيدة هذه قصيدة الوطن محد ايرد عليه مو هذا العراق يستاهل اكثر من هذا اني هسة منهار واعصابي تعبانة من لكيت محد ناطي رئية ايهاي القصيدة وجنت اكتب وياكم ابكل رحابت صدر بس هسة حتى مالي واهس بعد اشارك ابكل شي

كلمات لها صدى في الروح شكرا على القصيدة الرائعة للشاعر الكبير عريان السيد خلف
اخوك رفيع التهذيب

مشكوووووووووووووووووووووووووووور على هذا الاحساس ياورده