اعز من روحي اعزك وانت اعز مني

اعز من روحي اعزك وانت اعز مني

ياحسبت عمر خاويتها من اصباي

بطلت صفنتي ومابطلت مني

اجس كلبي الفضي متعوب حد الويل

وادعيلة الصبر عن لايفشلني

جسيت اليالي ابمرود الحلوات

وليالي العمر بل شيب جسني

اضحك للبجو حد شرهة المنكود

وابجي ابكل مزنتي ابطور المغني

لازحت الحية ولا ضيعت معروف

ولا خنت الوفة وربعي اجفلو مني

اكابر عل شدايد حد مصب العين

واسكت لو دثو من الناس لاسني

واسامح ما ابحر وين حد الغيض

وازلف لو حوافي الزعل وازني

وينشدني صديقي الما نشد عني

كَبل طبعك الونة وصاير تغني

كبل عينك محطة قطارك مكسور

وهسة أعلة الثجال اتفوت متحني

واجيبة ابكل برود وعود يبسلني

استراحت مستحاتي وعاكستني

الريح لاني من الهموم ولا الهم مني

اني ابن العاصيات ابن الليالي السود

ماريد الكماري ولا هنة يردني

رضعتني امي ابدمعه من عرفت الصوت

وغطتني ابحزنه من مشت عني

خذت روحي اعلى ضيم وما شكيت الحال

ويمنوني اشتبي وما كلت متمني

علمت البعض نكل الجدم عالكاع

واول ما مشة بالزلك ذبني

واكول اتغيرت والناس ما هي الناس

رضاعة قواطي وخيبت ضني

[عراقي هواي وميزة فينا الهوى]

روعه
دقة في التعبير
بارك الله فيك على هذه القصيدة
هناك اخطاء املائية صححها
استمر على هذا الخط الطيب

[عراقي أصيل]

وينشدني صديجي الما نشد عني
كَبل طبعك الونة وصاير تغني

تكملة البيت ولقد قمت بعد أذنك أخوية محمد الخفاجي
بتعديل الأخطاءالأملائية لكي تكون القصيدة بأبهى صورة
ألف شكر أخوية محمد قصيدة جداً رائعة وهي
للشاعر المبدع عريان السيد خلف

بأنتظار الجديد

مودتي فارس الليل العراقي