يلج بيه زماني لوج ملاج
ويروحي الماتريده لكاع ملاج
صرت عامل عكب ماجنت ملاج
خادم واخلك تامر عليه
............
اطمن والوكت حفار\لطماي
ودليلي منل صبر ياخلك\لطماي
صرت شمهوده بس مافاد\لطماي
الطم والمذمه اصير بيه
.............
المصايب دوف روحي بوحل \دفان
وركص ركصن عليه وطبل \دفان
صرت بطران رحت اشتغل \دفان
ياكبر الحفره يطيح بيه
................
اصيح ابصوت مد سمع\صدياي
واصده منل مصدي صار\صدياي
يدفان اسألك بـــــــــــــالله\صدياي
ميت والكبر ضايع عليه
..............
روحي منل مصايب \ماعفته
يلاهي نحلت كلش\ماعفته
اذا بـــــلبحر دوده\ ماعفته
حشاك اتعوفني بهاي الرزيه
.....

منقووووول

صح لسانك
وعاشت ايدك ياعمار
باقة جميلة
وانتقاء مميز
دام لنا هذا التواصل والتألق

مع كل التقدير

شكرا لك ولمروك الغالي ام
فيصل

صح السانك وسلمت يمينك لهذا الانتقاء الرائع
لا عدمناك اخي
دوم التواصل يااارب

شكرا لك حبيبي امير
شرفني حضورك