يادمعه يتيمه الخد تلكــاج
بس لاترمش العين اوتطيحين
جم بسمه جميله اتفارك اشفاج
وانتي اعلى الجفن بهداي تدبين
شعتب علهدب ماأنصف اوياج
رمش طحتي خبطتي اليابسه طين
لو بيدي اليسلي جبته يسلاج
ولاخليـــج بحزاني اتسليــن
لجن داير مداير بيته شباج
وطوفه متينه بيه سجاجيـن
آنه كلي حزن يادمعه وانخاج
صدك محتاج بس لالاتسيلـــين
الزكي اعلى الرمش لومرو اعداج
ومنت يرحون فيضي اشما تفيضين
اعلى حلو الطول لالاما منع
هله منعوه سجانه او مساجين
جا حكه الولف لمن تلكـــــاج
فك سجنه واجه وكلج متبقين
يادمعه يتيمه الخد تلكاج
بس لاترمش العين وتطيحين


للشاعر ناصر البهادلي

المبدع في كل شيى الاستاذ الزير سالم
تحيه محمله بكلمات الاحترام
لذوقكم الرفيع وختياركم الناجح
لماوضعتموه من كلمات رائعه في نقلكم الجميل
تحياتي وتقبل مروري

آنه كلي حزن يادمعه وانخاج
صدك محتاج بس لالاتسيلـــين

وعاشت اناملك ودام نبضك ياطيب لجميل اختياراتك الرائعه
فكن دوما بالف خير وكفاك الباري الم ودموع
تحياتي

الزير سالم

انه الذوق الرفيع في الاختيار
عاشت ايدك على النقل المميز والرائع لهذه الخميله
وصح لسان الشاعر ناصر البهادلي
تقبل مروري المتواضع اخي الكريم
اكاليل الجوري لروحك
واعطر التحايا لسموك

الف شكر لكم جميعا على هذا المرور

دمتم بخير يااحبابي