شـلـون أنــسـاك
شلون انساك وانته من الوجد شريان
واسمك بالنبض ويه الدمه يندي
وانته من الورد ماخذ جمال الروح
وبياضك من الشمس ماخذ ومتعدي
الي وكفات دكن عالم النسيان
بهواك تاسفت دنيه اصبحت ضدي
تيهت الكلب لافكر لااقلام
واصيحن عالبعيد الشفته متعدي
بغيابك لاتظن غفلت عليك الروح
ولامسه الجفا وبجيتك تصدي
على ذكراك كامت ترتعد هالروح
وعيني عليك كامت دمع تستجدي
تعلن كل تمرد من الم وآهات
ظهر بارح يريد الغيم بيه يبدي
شجاني ومن صرت سالوفه بين الناس
يتيم الهور لابيه كصب لابردي
ما تدري بفركتك اصعب من الموت
وعلى الفركة حبيبي شبيك بس هدي
ما تدري بعتاب الناس هد الحيل
شجاه الوجه شاحب والتعب مبدي
مايدرون عاشك والكلب مشدوه
ونبضاته بوصال احبابه ماتجدي
وادري الصاربيه من فعل يمناي
وجرن كل المصايب من شرر يدي
يمر ضيم العتب بس عالكلب مرات
بعدت وكلبي ضل يعيد ويبدّي
نحيب وضيم غربه وسهر الاحزان
تعال وشوف حالي شلون متردي
تعال وشوف حالي شلون متردي

منقول

صح لسانك عزيزي
احساس جميل وعذوبة في الكلام
مبدع في الإختيار دوما
لاحرمنا هذا المداد والعطاء الدائم

مع ارق تحياتي

شلون انساك وانته من الوجد شريان
واسمك بالنبض ويه الدمه يندي


كلام رائع موفق اخي