اروح المن
اروح المن واورج من والمن اشتكي بحالي
اياصبر الطفح خنياب وما ظل للصبر تالي
بقيت بحالت الوهمان ماادري شتهيالي
لاني بصحوة افكاري ولا طيف يتراوالي
لبست اسود حزن جذاب وياوحشة حزن خالي
احمص كهوة الفشلة بلهيب ونار دلالي
شفت غدر الزمان اليوم كام ايفور بدلالي
وحسبت احساب موش احساب مغلوط وشده بالي
موش الفخر للاول ادري الفخر للتالي
لااول ولاتاليولابلوسط وشوالي
بقيت معلك بدنياي اكوم ويعثر اخيالي
وشفت ربعي وهلي تبرو ولاواحد جذب جالي
اروح المن واورج من
لاام لااخت تحزن ولايحزن اخو او والي
ولاخالة ولاعمة ولاعمي ولا خالي
يهاي الناس ماهي ناس طلعوا رمل هيالي
شجة الدنيا برخيص السوم كام تبيع بالغالي
تنزل الجان جواني وتذل الجان بالعالي
اروح المن واورج من عرفني الجاي والرايح
هذا اسلوب دنيانا ترهي الكام عا لطايح
لاطيب اليغزر كام ولاجف اليجي ايصافح
يهاي الناس مدري شلون عدهة اعيون وتواكح
ماعدهم كصص تعرك ولا تخجل من الصايح
ايا حجي البطر يكتل يريد المطر من بارح
اروح المن وانة المسكوم عمري وخلص بالنايح
امسي اليوم بالدمعات وبالشوغات متصابح
يعمر الصار ابرة وخيط موش الخنجر الجارح
بهاي الناس ماغزر لاماصخ ولا مالح
شفت كلب الحقد عالناس يرد اردود ويسامح
وشفت اكلوب بعض الناس وسخة وتجرح الجارح
ايا حجيي الحجيتة هاذ لليسمع اضن واضح
مااكدر اوضح اكثر السان الينجرح فاضح
اظل اخزن هضم بالروح وكولن هاذ بي صالح
بلجن حضي يستعدل يوم وينفتح فالي
لجن اعرف زماني زين يشمت ايريد عذالي
علية ايشبكن اشماراد والصدمات بذيالي
اروح المن واورج من والمن اشتكي بحالي
كتبت هذه القصيدة للشاعر
مجيد عامر السعدي
مع تحياتي
وسام الساعدي
رد مع اقتباس
