صدر ابصدر بالسوك لاكاني ملكة
مدري افهه عالخدين مدري اعلة حلكه
-------------------------------
اخ اعلة روحي اشلون سمعت حجيهم
وشكثر شافت ظيم لاجن تبيهم
------------------------------
ياروحي بسج عاد متحملة الاهات
الحزن والدمعات مترجع الفات
-----------------------
اشمنهم بعد ترجين دومج غشيمة
طلعو شلع عذال واهل النميمة
------------------------
طلعو شلع عذال وضدج يلعبون
هابالج ايخدعوج بدموع العيون
----------------------------
هابالج ايخدعوج منهم حذاري
ماطفت حد هاليوم مشتعلة ناري
------------------------------
موهين السووة ياشي اذكرة
جم كسر بالدلال ياهو الاجبرة
--------------------------
جم كسر بالدلال جم علة بية
ماشفت منهم زين بس الاذية
--------------------------
حكي من اشك الثوب وبجي اعلة حالي
ضدك اخوك ايصير فوك الليالي

رائع كما عهدناك
واحساس يضفي جمالا على الكلمات
لاحرمنا مدادك ياكريم

وهذي ماهي ابوذيات عزيزي
هذي دارميات
دمت بكل الخير

هله والله بالاخ العزيز السلطاني
دارميات رائعه من قلم مميز ورائع
اللهم لا يحرمنا جديدك ياورده
ولا يحرمنا ردودك
تحياتي ومودتي

صح لسانك اخويه السلطاني
شكرا لك لهذه الدارميات الرائعه
دام لنا عطاءك الوارف
تقبل تحياتي وتقديري الدائم لك

صح السانك يامبدع
دارميات جميله
ابداع متواصل
حيــــــــاك
ننتظر جديدك
تقبل مروري
تحيـــــــاتي
... سوسو العراق ..