يالكلك غدر والباطل بملكاك
وخناجر تترك بظلع اليحبونك
وربك من خلق صنف بشر بالكون
بالضحكات والفرحه يتلكونك
وصنف ناس كلهم باطل وشمات
وكلهم بالسموم بعسل يسكونك
وانته من البشر من ياصنف أدريك
مثل طبع الحيايه الغدر بسنونك
ناعم ملمسك وانته الخطر ماليك
أشرمخلوق لورادو يوصفونك
انته سنين خادعني وظهر معناك
سجينه بضلوعي وضحكه بعيونك
ياأترف بشر من ياحسن مخلوق
وياأجمل شكل حيره شوصفونك
انته السيف بعيون الشمس براق
وأنته الموت لومره يجربونك
وأنته أفضع حقيقه بشفة العشاك
غدر طبعك ونظرة ذيب بعيونك
أريد أعلن براءه بوجه كل الناس
منك يالطعنت الكلب لي صونك
من هل يوم أنته بوادي وأنا بواد
مارايد أعرفك خابت ظنونك

منقولللللللللللللللللللللللللللللللل

بقلم تاجر الاحزان 27-4-2009